Video : काळ्या समुद्रात दोन रशियन 'शॅडो फ्लीट' टँकरवर मोठा ड्रोन हल्ला, क्रू मेंबर्सची आरडाओरड; 'या' देशानं घेतली जबाबदारी

By ऑनलाइन लोकमत | Updated: November 29, 2025 21:26 IST2025-11-29T21:25:28+5:302025-11-29T21:26:10+5:30

एसबीयूच्या सूत्रांनी एएफपीला दिलेल्या माहितीनुसार, "मॉडर्न 'सी बेबी' (Sea Baby) नेव्हल ड्रोनने रशियन जहाजांना यशस्वीपणे लक्ष्य केले गेले." त्यांनी एक व्हिडिओही शेअर केला आहे, ज्यात सागरी ड्रोन दोन्ही जहाजांकडे जात असताना दिसत आहे. यानंतर, स्फोट झाल्याचे दिसत आहे.

Major drone attack on two Russian Shadow Fleet tankers in the Black Sea, ukraine claims responsibility | Video : काळ्या समुद्रात दोन रशियन 'शॅडो फ्लीट' टँकरवर मोठा ड्रोन हल्ला, क्रू मेंबर्सची आरडाओरड; 'या' देशानं घेतली जबाबदारी — Video : काळ्या समुद्रात दोन रशियन 'शॅडो फ्लीट' टँकरवर मोठा ड्रोन हल्ला, क्रू मेंबर्सची आरडाओरड; 'या' देशानं घेतली जबाबदारी

तुर्कीच्या बोस्फोरस सामुद्रधुनीजवळ (Bosphorus Strait) रशियाच्या 'शॅडो फ्लीट'च्या (Shadow Fleet) दोन तेल टँकरवर शुक्रवार (28 नोव्हेंबर 2025) रात्री उशिरा स्फोट झाले. यामुळे जहाजांना आग लागली. ब्लॅक सीमध्ये झालेला हा हल्ला मिसाइल, ड्रोन किंवा सागरी वाहनाच्या सहाय्याने झाला असण्याची शक्यता तुर्कीने व्यक्त केली आहे. रशियाच्या या टँकरची नावे 'काइरोस' (Kairos) आणि 'विराट' (Virat) अशी आहेत.

क्रू मेंबर्सकडून 'मेडे-मेडे' कॉल
टँकरच्या क्रू मेंबर्सनी इंटरसेप्टेड ओपन-फ्रिक्वेन्सी रेडिओ डिस्ट्रेस कॉलमध्ये ड्रोन हल्ल्याची माहिती दिली. ते मानवरहित सागरी ड्रोनबद्दल बोलत होते. एका व्हिडिओमध्ये क्रू मेंबर "हे विराट आहे. मदत हवी आहे. ड्रोन हल्ला. मेडे (Mayday)" असे ओरडताना ऐकू येत आहेत.

तुर्कीच्या परिवहन मंत्रालयाने एक्स (X) वर म्हटले आहे की, 'विराट'वर ब्लॅक सी किनाऱ्यापासून 35 सागरी मैल दूर मानवरहित सागरी वाहनाने हल्ला झाला होता आणि 29 नोव्हेंबरच्या सकाळी पुन्हा हल्ला करण्यात आला. तुर्कीच्या मते, जहाजांवर रॉकेट, माइन अथवा सागरी वाहनाने हल्ला करण्यात आला.

युक्रेनने घेतली हल्ल्याची जबाबदारी
न्यूज एजन्सी एएफपीच्या (AFP) वृत्तानुसार, युक्रेनने या हल्ल्याची जबाबदारी स्वीकारली आहे. युक्रेनच्या सुरक्षा सेवेच्या (SBU) एका अधिकाऱ्याने, एसबीयू आणि युक्रेनच्या नौदलाने मिळून हा संयुक्त हल्ला केल्याचे म्हटले आहे.

Ukrainians attack two tankers of the Russian shadow fleet.

According to sources, SBU Sea Baby naval drones attacked the two sanctioned oil tankers KAIRO and VIRAT in the Black Sea. It was a joint operation between the SBU's 13th Main Directorate for Military Counterintelligence… pic.twitter.com/U82scXaM5r
— Jürgen Nauditt 🇩🇪🇺🇦 (@jurgen_nauditt) November 29, 2025

एसबीयूच्या सूत्रांनी एएफपीला दिलेल्या माहितीनुसार, "मॉडर्न 'सी बेबी' (Sea Baby) नेव्हल ड्रोनने रशियन जहाजांना यशस्वीपणे लक्ष्य केले गेले." त्यांनी एक व्हिडिओही शेअर केला आहे, ज्यात सागरी ड्रोन दोन्ही जहाजांकडे जात असताना दिसत आहे. यानंतर, स्फोट झाल्याचे दिसत आहे. या हल्ल्यामुळे रशियन तेल वाहतुकीला मोठा फटका बसेल, असेही युक्रेनने म्हटले आहे.

Web Title : यूक्रेन ने काला सागर में रूसी टैंकरों पर ड्रोन हमले की जिम्मेदारी ली।

Web Summary : तुर्की के पास काला सागर में रूसी 'शैडो फ्लीट' के दो टैंकरों पर ड्रोन से हमला किया गया। यूक्रेन ने हमले की जिम्मेदारी ली है और कहा कि यह एसबीयू और नौसेना बलों द्वारा 'सी बेबी' ड्रोन का उपयोग करके एक संयुक्त अभियान था, जिससे रूसी तेल परिवहन को भारी नुकसान हुआ।

Web Title : Ukraine claims drone attack on Russian tankers in Black Sea.

Web Summary : Two Russian 'Shadow Fleet' tankers were reportedly attacked by drones in the Black Sea near Turkey. Ukraine has claimed responsibility for the attack, stating it was a joint operation by the SBU and naval forces using 'Sea Baby' drones, causing significant damage to Russian oil transport.

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

टॅग्स :