CoronaVirus News : नववीतल्या विद्यार्थ्यानं तयार केली वेबसाईट; कोरोनाच्या खात्रीशीर माहितीचं संकलन

By ऑनलाइन लोकमत | Published: June 3, 2020 01:42 PM2020-06-03T13:42:00+5:302020-06-03T13:48:17+5:30

CoronaVirus Marathi News and Live Updates: वेगाने पसरणाऱ्या कोरोना व्हायरसमुळे लोकांमध्ये भीतीचे वातावरण निर्माण झाले आहे. संसर्ग रोखण्यासाठी मास्क, क्वारंटाईन, सोशल डिस्टंसिंग यासारखे खबरदारीचे उपाय केले जात आहेत.

CoronaVirus Marathi News Aarav Badani created website COVID19 information SSS | CoronaVirus News : नववीतल्या विद्यार्थ्यानं तयार केली वेबसाईट; कोरोनाच्या खात्रीशीर माहितीचं संकलन

CoronaVirus News : नववीतल्या विद्यार्थ्यानं तयार केली वेबसाईट; कोरोनाच्या खात्रीशीर माहितीचं संकलन

googlenewsNext

जगभरात कोरोनाचा हाहाकार पाहायला मिळत आहे. जगातील सर्वच देश कोरोनाच्या संकटाचा सामना करत आहेत. जगभरातील कोरोनाग्रस्तांची संख्या ही सातत्याने वाढत आहे. कोरोना रुग्णांची संख्या ही तब्बल 64 लाखांवर पोहोचली आहे. कोरोनामुळे आतापर्यंत 382,709 हून अधिक लोकांना आपला जीव गमवावा लागला आहे. तर 6,463,647 लोकांना त्याचा संसर्ग झाल्याची माहिती मिळत आहे. कोरोनावर अद्याप कोणतंही औषध उपलब्ध झालेलं नाही. जगभरात युद्धपातळीवर लस शोधण्याचं काम सुरू आहे. अनेक देशांमध्ये संशोधन केलं जात आहे.

वेगाने पसरणाऱ्या कोरोना व्हायरसमुळे लोकांमध्ये भीतीचे वातावरण निर्माण झाले आहे. संसर्ग रोखण्यासाठी मास्क, क्वारंटाईन, सोशल डिस्टंसिंग यासारखे खबरदारीचे उपाय केले जात आहेत. याच दरम्यान कोरोनाची सर्व माहिती म्हणजेच लस आणि इतर गोष्टींबाबत अनेक गोष्टी लोक इंटरनेटवर सर्च करत आहेत. मात्र एकत्रित अशी आवश्यक असलेली माहिती एका क्लिकवर उपलब्ध नाही. यासाठी एका नववीत शिकणाऱ्या मुलाने पुढाकार घेतला आहे. कोविड-19 संबंधित औषधे, लस, उपचार आणि इतरही सर्व माहिती एकाच ठिकाणी सर्वांना उपलब्ध व्हावी यासाठी एक खास वेबसाईट तयार केली आहे. कोरोनाच्या खात्रीशीर माहितीचं संकलन करण्यात आलं आहे. 

आरव बदानी असं या मुलांचं नाव असून त्याने FixCovid.org ही वेबसाईट तयार केली आहे. आरव कॅलिफोर्नियातील सॅराटोगा हायस्कूलमध्ये इयत्ता नववीत शिकतो. कोरोनाशी संबंधित काही माहिती सर्च करत असताना आरवला विविध समस्या जाणवल्या. लोकांना उपयुक्त होईल यासाठी सर्व माहिती एकाच ठिकाणी उपलब्ध असणं त्याला गरजेचं वाटलं. यासाठीच त्याने  स्वत: वेबसाईट तयार करण्याचा निर्णय घेतला आणि FixCovid.org ही वेबसाईट तयार केली. विविध भाषांमध्ये ही वेबसाईट उपलब्ध असून खात्रीशीर माहितीचं संकलन यावर करण्यात आले आहे. कोरोनाची योग्य माहिती मिळत असल्याने लोकांसाठी हे अत्यंत फायदेशीर ठरत आहे. 

जागतिक आरोग्य संघटना (WHO) ही कोरोनाशी संबंधित माहिती देत असते. आरवने तयार केलेल्या वेबसाईटवर कोविड-19 च्या सर्व ताज्या बातम्या, माहिती, संशोधन सुरू असलेली औषधे आणि लसची माहिती उपलब्ध आहे. आरवचं सर्वत्र कौतुक केलं जात असून त्यांची ही वेबसाईट उपयुक्त ठरत आहे. कोरोनामुळे देशातही चिंताजनक परिस्थिती निर्माण झाली आहे. देशातील कोरोनाग्रस्तांची संख्या वाढली असून कोरोना रुग्णांचा आकडा हा तब्बल दोन लाखांच्यावर गेला आहे. वाढता संसर्ग रोखण्यासाठी देशामध्ये लॉकडाऊन सुरू आहे. तसेच योग्य ती खबरदारी घेण्यात येत आहे. 

महत्त्वाच्या बातम्या

CoronaVirus News : आनंदाची बातमी! माणसांप्रमाणे आता प्राण्यांसाठी कोरोनाची लस येणार, भविष्यातील धोका टळणार

CoronaVirus News : आता 'या' वयोगटातील चिमुकल्यांवर होणार कोरोनाच्या लसीची चाचणी?

CoronaVirus News : बाबांचं स्वप्न पूर्ण करायचंय... कोरोना योद्ध्याच्या लेकीने लिहिलं मुख्यमंत्र्यांना पत्र

CoronaVirus News : लय भारी! कपडे असो वा वस्तू 'या' भन्नाट उपकरणाच्या मदतीने होणार व्हायरसमुक्त 

 

Read in English

Web Title: CoronaVirus Marathi News Aarav Badani created website COVID19 information SSS

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.