28 वर्षीय तरुणी 97 वर्षांच्या 'युवकासोबत' डेटवर गेली...पहा पुढे काय झाले...

धक्क्यातून सावरल्यानंतर तब्बल तीन वर्षांनी सांगितला किस्सा

नवी दिल्ली : जर कोणी तुम्हाला सांगितले की, एक 28 वर्षीय तरुणी तब्बल 97 वर्षांच्या म्हाताऱ्याबरोबर सजुन-धजुन डेटवर गेली, तर खरे वाटेल का? नाही ना...पण हे खरे आहे. अमेरिकेतील बोस्टन शहरामध्ये ही घटना घडली आहे. या धक्क्यातून सावरल्यानंतर या मुलीने घटनेविषयी ट्विटरवर खुलासा केला आहे. 

प्रिया-अलिका एलियास ही बोस्टनमध्ये राहते. ही मुलगी एका डेटिंग साईटवर सर्फिंग करत होती. यावेळी तिला एक प्रोफाईल आवडले. या प्रोफाईलवर लिहिलेल्या ओळीही तिला खूप भावल्या. यामुळे तिने या व्यक्तीला भेटण्याचा निर्णय घेतला. डेटवर जाण्याची तारिख, वेळ आणि ठिकाणही ठरले. अखेर तो दिवस आला. ती ज्याला भेटायला जाणार होती तो 30 वर्षांचा असेल असा प्रियाचा समज होता. यामुळे त्या मुलाला इम्प्रेस करण्य़ासाठी प्रियाने छानपैकी तयारी केली. नटून-थटून ती त्या ठिकाणी जायला निघाली. 

प्रिया जेव्हा हॉटेलमध्ये पोहोचली तेव्हा तिला जोरदार धक्का बसला. ती ज्या मुलाला 30 वर्षांचा समजत होती तो तब्बल 97 वर्षांचा म्हातारा निघाला. डेटिंग साईटवर या व्यक्तीने पाठमोऱ्या बाजुने त्याचा फोटो अपलोड केला होता. यामुळे प्रियाला त्याचा चेहरा दिसला नव्हता. यामुळे त्याच्या वयाचा अंदाजही आला नव्हता. तसेच या व्यक्तीने प्रोफाईलमध्ये वयाचा उल्लेखही केला नव्हता. यामुळे प्रिया फसली होती. 

मात्र, प्रियाने वेळीच सावरत त्यांच्याशी छान गप्पा मारल्या, मात्र आता विषय बदलला होता. कॉफी घेतली आणि घरी आली. यानंतर तिने चेहऱ्यावर खूपवेळ पाणी मारत स्व:ताला सावरले. आणि ही धक्कादायक घटना विसरायचा प्रयत्न केला. ही घटना जानेवारी, 2014 मध्ये घडली होती. मात्र, प्रियाने याबाबत तीन वर्षांनी खुलासा केला. या व्यक्तीने अंगावर 45 कपडे घातले होते. त्याने कोट काढल्यानंतर प्रियाला आणखी एक धक्का बसला होता.