In Hingoli committed suicide due to constant consternation | हिंगोलीत सततच्या त्रासाला कंटाळून तरुणाची आत्महत्या; एकावर गुन्हा दाखल 

हिंगोलीत सततच्या त्रासाला कंटाळून तरुणाची आत्महत्या; एकावर गुन्हा दाखल 

हिंगोली : तालुक्यातील वरूडगवळी येथील एका तरुणाने सततच्या त्रासाला कंटाळुन विहिरीत उडी घेऊन आत्महत्या केल्याची घटना आज उघडकीस आली. गजानन कामाजी गावंडे (३५) असे मृताचे नाव आहे. याप्रकरणी मृताच्या पत्नीने दिलेल्या फिर्यादीवरून एकाविरोधात आत्महत्येस प्रवृत्त केल्याप्रकरणी गुन्हा दाखल करण्यात आला आहे. 

सविस्तर वृत्त असे की, हिंगोली तालुक्यातील वरूडगवळी येथील गजानन कामाजी गावंडे (३५) यांच्यासोबत शेख आतीक शे. मन्नान याने काही दिवसांपूर्वी बांधकामावरील सेंट्रींगच्या पाट्या उचलण्याच्या कारणावरून वाद घातला व मारहाण करीत जिवे मारण्याची धमकी दिली होती. या त्रासाला कंटाळुन गजानन गावंडे यांनी वरूडगवळी शेत शिवारातील विहिरीत उडी घेऊन आत्महत्या केली,अशी माहिती पोलिसांनी दिली.

याप्रकरणी मयत गजानन गावंडे यांची पत्नी सरस्वती गजानन गावंडे यांच्या फिर्यादीवरून आरोपी शेख आतिक शे. मन्नान विरूद्ध आत्महत्येस प्रवृत्त केल्याप्रकरणी गुन्हा दाखल करण्यात आला आहे. तपास पोनि मारोती थोरात करीत आहेत. घटनास्थळास बीट जमादार रविकांत हरकळ, पोना अशोक धामणे यांनी भेट दिली.

Web Title: In Hingoli committed suicide due to constant consternation

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.