CoronaVaccine : तरूणांसाठी लस घेणं कितपत सुरक्षित?; लसीकरणानंतर या गोष्टींची काळजी घ्या, तरच होईल बचाव

CoronaVaccine : लस घेतल्यानंतर सामान्यपणे लोक बिंधास्तपणे वावरतात. पण लोकांनी या गोष्टींची विशेष काळजी घ्यायला हवी.

भारत सरकारनं देशात कोरोना व्हायरसच्या वाढत्या प्रसाराचा वेग कमी करण्यासाठी १८ वर्ष आणि त्यापेक्षा अधिक वयाच्या लोकांसाठी लसीकरण उपलब्ध करून देण्याचा निर्णय घेतला आहे. यासाठी तुम्ही ऑनलाईन रजिस्ट्रेशन करून जवळच्या लसीकरण केंद्रावर जाऊन लस घेऊ शकता. अशा स्थितीत लसीकरणाबाबत लोकांच्या मनात वेगवेगळे प्रश्न उपस्थित होत आहेत. याबाबत तुम्हाला अधिक माहिती आम्ही तुम्हाला  देणार आहोत. 

लसीकरण कितपत सुरक्षित?

एम्समधील कर्करोगाच्या पॅथॉलॉजिस्ट डॉ. अजितसिंग ओबेरॉय यांनी तरुणांना लसीकरण व त्यासंबंधित प्रश्नांविषयी याबाबत माहिती दिली आहे. कोवाक्सिन आणि कोविशिल्ड या दोन लसी सुरक्षित आहेत. त्यांच्याकडून होणारे दुष्परिणाम क्लिनिकल रिसर्चमध्ये क्वचितच पाहिले गेले आहेत. याची भीती लोकांच्या मनातही आहे कारण योग्य स्त्रोतांपेक्षा सोशल मीडियातून लोकांना या लसीची माहिती जास्त मिळत आहे.
तरूणांनी लसीकरणानंतर सावधगिरी बाळगायला हवी.

या प्रश्नांचे उत्तर देताना डॉ. अजीत म्हणतात की, ''लस घेतल्यानंतर सामान्यपणे लोक बिंधास्तपणे वावरतात. पण लोकांनी या गोष्टींची विशेष काळजी घ्यायला हवी. लसीच्या पहिल्या डोसनंतर, शरीरावर त्याचा फारसा प्रभाव पडत नाही, दुसर्‍या डोसच्या नंतरच लसीचा प्रभाव  80% पेक्षा जास्त दिसून येतो.  लस लागू झाल्यानंतरही आपण सर्व सावधगिरी बाळगली पाहिजे. लसीकरणानंतर आपण सुरक्षित होता, परंतु आपण खबरदारी घेतली नाही तर लस घेऊनही तुम्ही संक्रमित होऊ शकता.''

लसीचे काय साईड इफेक्ट्स होऊ शकतात?

पुढे त्यांनी सांगितले की, ''यापूर्वी देशात अनेक आजारांवर लसीकरण केले गेले. या लसींचे लोकांमध्ये काही प्रमाणात दुष्परिणाम दिसले, तीच अवस्था कोरोना लसीचीही आहे. या लसीच्या पहिल्या डोसनंतर सामान्यत: लोकांना हलका ताप, अशक्तपणा आणि शरीरावर वेदना होत आहेत.  या समस्या एक किंवा दोन दिवसात बरे केल्या जाऊ शकतात. या व्यतिरिक्त, लसीचे इतर कोणतेही गंभीर दुष्परिणाम दिसून आले नाहीत. 

दोन डोसमध्ये वेगवेगळ्या लसी घेतल्या तर चालतं का?

ज्यांना लस दिली जात आहे त्यांनी आपण कोणती लस घेत आहे याची विशेष काळजी घ्यावी. आपण कोवाक्सिनचा पहिला डोस घेतला असेल तर दुसरा डोस देखील कोवाक्सिनचा असावा. तसे, सर्व केंद्रांवर लसीकरण अधिकारी स्वत: याची काळजी घेतात. दोन्ही डोस समान लस असणे आवश्यक आहे.