CoronaVirus News: गोव्यात कोरोनाचा पहिला बळी; ८५ वर्षीय व्यक्तीचा मृत्यू

दीड महिन्यापूर्वी ग्रीन झोन असलेल्या गोव्यात सध्या ६८२ कोरोना रुग्ण

पणजी : गोव्यात कोरोनामुळे पहिल्या मृत्यूची नोंद झाली आहे. मोर्ले सत्तरी येथील ८५ वर्षे वयाच्या कोरोना बाधित रुग्णाचं मडगावातल्या कोविड रुग्णालयात सोमवारी पहाटे निधन झालं.

रुग्णाची प्रकृती अत्यवस्थ झाल्यामुळे त्याला दोन दिवसांपूर्वीच आयसीयूत हलवण्यात आले होते. रविवारी त्याची प्रकृती आणखी बिघडली होती. त्यामुळे डॉक्टरांचे पथक त्याच्यावर सतत लक्ष ठेवून होते. सोमवारी पहाटे चार वाजण्याच्या सुमारास त्याचं निधन झाल्याची माहिती रुग्णालयातील सूत्रांकडून देण्यात आली.

Goa has registered its first #COVID19 death; an 85-year-old woman from Morlem who was diagnosed positive for the infection has passed away at a hospital. I assure the citizens that we are taking all it takes to keep people safe: Goa Health Minister Vishwajit Rane
(file pic) pic.twitter.com/oHO8DVUCK5

— ANI (@ANI) June 22, 2020

गोव्यात कोरोनामुळे झालेला हा पहिला मृत्यू आहे. दीड महिन्यापूर्वी ग्रीन झोन असलेल्या गोव्यात आज कोविड रुग्णालयात आणि कोविड निगा केंद्रात मिळून ६८२ रुग्ण दाखल आहेत. आतापर्यंत एकूण १३५ कोविड बाधित बरे झाले आहेत.