'बिग बॉस १९'ची ट्रॉफी टेलिव्हिजनचा सुपरस्टार गौरव खन्नानं जिंकली.आहे. तर फरहाना भट्ट ही उपविजेती ठरली. अख्ख्या देशाचा लाडका 'महाराष्ट्रीयन भाऊ' प्रणीत मोरे तिसऱ्या नंबरवर एलिमिनेट झाला. "बिग बॉस १९" मधून बाहेर पडल्यानंतर अनेक स्पर्धकांनी त्यांच्या पुढील प्लॅनचा खुलासा केला आहे. 'बिग बॉस १९' च्या टॉप ३ मध्ये पोहोचलेला प्रणित मोरे आता लवकरच रोहित शेट्टीच्या 'खतरों के खिलाडी १५' मध्ये दिसणार असल्याची शक्यता वर्तवली जात आहे.
'न्यूज १८' शी बोलताना प्रणित मोरेला विचारण्यात आले की तो 'खतरों के खिलाडी १५' मध्ये दिसणार का? यावर त्याने अत्यंत स्पष्ट उत्तर दिले. तो म्हणाला, "बिग बॉस हा शो माझ्यासाठी खूप मानसिक आणि भावनिकरित्या कठीण होता, त्यामुळे बिग बॉसच्या फॉरमॅटमध्ये परतण्याचा माझा कोणताही विचार नाही. पण जर एखादा वेगळ्या संकल्पनेचा, मनोरंजक शोची ऑफर आली तर मी नक्कीच त्याचा विचार करेन". अर्थात संधी मिळाल्यास प्रणित 'खतरों के खिलाडी १५' मध्ये नक्कीच सहभागी होऊ इच्छितो. मात्र, सध्या आपली प्राथमिकता स्टँड-अप कॉमेडी असल्याचे त्याने स्पष्ट केले.
प्रणित मोरेसोबत तान्या मित्तल आणि फराहना भटदेखील ''खतरों के खिलाडी १५'चे संभाव्य स्पर्धक आहेत. कारण 'बिग बॉस १९'मध्ये असतानाच त्यांनी रोहित शेट्टी यांच्या शोमध्ये सहभागी होण्याची इच्छा व्यक्त केली होती. दरम्यान, दरवर्षी 'खतरों के खिलाडी'चे निर्माते 'बिग बॉस'मधील स्पर्धकांना शोसाठी संपर्क साधतात. 'खतरों के खिलाडी' शोची प्रेक्षकांमध्ये प्रचंड क्रेझ आहे. आतापर्यंत रोहित शेट्टीच्या या रिअॅलिटी शोचे तब्बल १४ पर्व यशस्वी पूर्ण झालेत. आता लवकरच 'खतरों के खिलाडी' चं १५वं पर्व येणार आहे.
Web Summary : Pranit More, after Bigg Boss 19, might join 'Khatron Ke Khiladi 15'. Though prioritizing stand-up comedy, he's open to unique show offers. Fellow Bigg Boss contestants also expressed interest in the show, known for approaching Bigg Boss participants.
Web Summary : बिग बॉस 19 के बाद, प्रणीत मोरे 'खतरों के खिलाड़ी 15' में दिख सकते हैं। स्टैंड-अप कॉमेडी को प्राथमिकता देते हुए, वे अनोखे शो के प्रस्तावों के लिए खुले हैं। बिग बॉस के अन्य प्रतियोगियों ने भी शो में रुचि दिखाई।