'महाराष्ट्राची हास्यजत्रा' फेम अभिनेता पृथ्वीक प्रताप काल ६ डिसेंबरला दादर येथील चैत्यभूमीला गेला होता. त्यावेळी पृथ्वीकने पत्नीसोबत मनोभावे डॉ. बाबासाहेब आंबेडकरांना अभिवादन करताना दिसला. त्यावेळी पृथ्वीकसोबत एक खास घटना घडली. जी वाचून तुम्हीही अभिनेत्याचं कौतुक कराल.
पृथ्वीकच्या एका चाहत्याने या घटनेचा सविस्तर वृत्तांत सोशल मीडियावर शेअर केला आहे. तो लिहितो, ''मी दरवर्षी न चुकता ६ डिसेंबर च्या मध्यरात्री ‘चैत्यभूमी’ ला भेट देतो, दादरच्या हवेत त्या दिवशी एक वेगळीच उर्जा जाणवते.. देशाच्या निरनिराळ्या भागांतून, काना-कोपऱ्यातून आलेले सगळे अनुयायी का कुणास ठाऊक ओळखीचे आणि आपले भासतात. या वर्षीही मी नेहमी प्रमाणे तिथे गेलो, ह्या वर्षी इथली सगळी माणसं मला जास्त आपली वाटली.. जणू काही आपले दूरचे नातलगच.. कारण ही तसच खास होतं, कारण ह्यावेळी माझ्यासोबत संपूर्ण महाराष्ट्राचा लाडका अभिनेता आणि माझा सख्खा लहान भाऊ पृथ्वीक प्रताप सुद्धा होता..''''म्हणजे तसं पृथ्विक आणि मी लहानाचे मोठे एकत्र झाल्यामुळे आणि त्यातही मी मोठा असल्यामुळे मला पृथ्विक एक सेलिब्रिटी आहे असं कधी फार जाणवायचं नाही.. पण काल पहिल्यांदा माझं उर भरून आलं होतं... चैत्यभूमीवर आलेला प्रत्येक भीम अनुयायी पृथ्विक सोबत एका वेगळ्याच आदराने आणि आपुलकीने बोलत होता. महाराष्ट्रातल्या दुर्गम भागातून आलेला माझा समाजबांधव भान हरपून त्याच्यासोबत फोटी घेत होता...''
Web Summary : Actor Prithvik Pratap visited Chaityabhoomi, where a student sought his blessings. Prithvik humbly redirected him to Babasaheb Ambedkar, emphasizing gratitude to the social reformer. This gesture deeply moved Prithvik's brother, highlighting the actor's respect and humility.
Web Summary : अभिनेता पृथ्वीक प्रताप चैत्यभूमि गए, जहाँ एक छात्र ने उनसे आशीर्वाद मांगा। पृथ्वीक ने विनम्रतापूर्वक उसे बाबासाहेब अम्बेडकर की ओर निर्देशित किया, और समाज सुधारक के प्रति आभार व्यक्त किया। इस भाव ने पृथ्वीक के भाई को गहराई से प्रभावित किया, अभिनेता के सम्मान और विनम्रता को उजागर किया।