बॉलिवूडची लोकप्रिय अभिनेत्री दीपिका पादुकोणची बहीण अनिशा पदुकोण (Anisha Padukone) नेहमी लाइमलाइटपासून दूर राहते, परंतु सध्या ती तिच्या लग्नाच्या चर्चांमुळे चर्चेत आली आहे. अनिशा लवकरच तिचा बॉयफ्रेंड रोहन आचार्य याच्यासोबत विवाहबंधनात अडकणार असल्याची जोरदार चर्चा आहे. विशेष म्हणजे रोहन आचार्यचं देओल कुटुंबाशी एक खास नातं आहे, ज्यामुळे दीपिका आणि रणवीर सिंग हे देखील सनी देओलचे नातेवाईक होतील.
कोण आहेत रोहन आचार्य?
अनिशाचा बॉयफ्रेंड रोहन आचार्य हा चित्रपटसृष्टीपासून दूर असला तरी, तो एका मोठ्या चित्रपट कुटुंबाशी संबंधित आहे. रोहन हा प्रख्यात चित्रपट निर्माते बिमल रॉय यांचा पणतू आहे. रोहनची आई चिमू आचार्य या बिमल रॉय यांची मुलगी रिंकी रॉय भट्टाचार्य यांची कन्या आहेत. म्हणजेच, बिमल रॉय हे रोहनचे पणजोबा लागतात. सर्वात महत्त्वाचे म्हणजे, सनी देओलचा लेक करण देओलची पत्नी दृशा आचार्य ही रोहन आचार्यची बहीण आहे. म्हणजेच रोहन हा सनी देओलच्या सुनेचा भाऊ आहे.
त्यामुळे, अनिशा पदुकोण आणि रोहन आचार्य यांचा विवाह झाल्यास, दीपिका पादुकोण आणि रणवीर सिंग हे देओल कुटुंबाचे नातेवाईक बनतील. अलीकडेच, दीपिका आणि रणवीर सिंग यांनी धर्मेंद्र यांच्या अंत्यसंस्कारातही हजेरी लावली होती.
अनिशा पादुकोण लाइमलाइटपासून दूर
अनिशा पादुकोण स्वतः एक व्यावसायिक गोल्फर आहे. ती फिल्मी पडद्यापासून आणि लाइमलाइटपासून दूर राहणे पसंत करते. ती तिचे आई-वडील प्रकाश आणि उज्जला पादुकोण यांच्यासोबत बंगळूरुमध्ये राहते. अनिशा आणि रोहन दोघेही त्यांचे खासगी आयुष्य सार्वजनिक चर्चेपासून दूर ठेवतात. सध्या या लग्नाबद्दल पादुकोण कुटुंबाकडून कोणतीही अधिकृत घोषणा करण्यात आलेली नाही, परंतु त्यांच्या लग्नाची चर्चा मोठ्या प्रमाणात होत आहे.
रणवीर सिंग ठरला मॅचमेकर?
अनिशा आणि रोहन एकमेकांना अनेक वर्षांपासून ओळखतात. विशेष बाब म्हणजे रोहनला दीपिका आणि रणवीर दोघेही इन्स्टाग्रामवर फॉलो करतात. काही मीडिया रिपोर्ट्सनुसार, रणवीर सिंगचे आई-वडील आणि रोहनचे वडील सुमित आचार्य हे चांगले मित्र आहेत. रणवीरच्या कौटुंबिक समारंभातच अनिशा आणि रोहन यांची भेट झाली, जिथे त्यांची मैत्री प्रेमात बदलली. सध्या ३४ वर्षीय अनिशा व्यावसायिक गोल्फर आहे, तर रोहन त्याच्या वडिलांच्या ट्रॅव्हल एजन्सीच्या व्यवसायात मदत करतो.
Web Summary : Deepika Padukone's sister, Anisha Padukone, is reportedly marrying Rohan Acharya, linking the Padukones to the Deol family. Rohan's sister is married to Sunny Deol's son. This union would make Deepika and Ranveer Singh relatives of the Deol family.
Web Summary : खबर है कि दीपिका पादुकोण की बहन अनीशा पादुकोण रोहन आचार्य से शादी कर रही हैं, जिससे पादुकोण परिवार देओल परिवार से जुड़ जाएगा। रोहन की बहन की शादी सनी देओल के बेटे से हुई है। इस शादी से दीपिका और रणवीर सिंह देओल परिवार के रिश्तेदार बन जाएंगे।