लग्नानंतर दोन वर्षांनी बॉलिवूड अभिनेत्याच्या घरी पाळणा हलणार! सोशल मीडियाद्वारे दिली गुडन्यूज 

लोकप्रिय बॉलिवूड अभिनेत्याने दिली गुडन्यूज, लग्नाच्या दोन वर्षांनी होणार बाबा, म्हणाला...

Randeep Hooda Post: गेल्या काही दिवसांमध्ये बॉलिवूड इंडस्ट्रीतील अनेक कलाकारांनी चाहत्यांना गुडन्यूज दिल्या आहेत. तर काही कलाकार लवकरच आनंदाची बातमी देतील. अलिकडेच अभिनेता विकी कौशल, राजकुमार राव तसेच परिणीती चोप्रा या कलाकारांच्या घरी नव्या सदस्याचं आगमन झालं आहे . या कलाकारांच्या यादीत आता आणखी एका नावाचा समावेश होणार आहे. या अभिनेता म्हणजे रणदीप हुड्डा आहे. नुकतीच रणदीपने तो लवकरच बाबा होणार असल्याची आनंदवार्ता दिली आहे. 

लग्नाच्या दोन वर्षानंतर रणदीप हुड्डा आणि पत्नी लिन लैशराम यांच्या घरी लवकरच चिमुकल्या पाहुण्याचं आगमन होणार आहे. दोघांनीही सोशल मीडियावर खास पोस्ट शेअर करत ही गुडन्यूज  शेअर केली आहे. ही सेलिब्रिटी जोडी आता त्यांच्या पहिल्या बाळाचे स्वागत करण्यासाठी तयार झाले आहेत.

रणदीप हुड्डाने आपल्या अधिकृत इंस्टाग्राम अकाउंटवर एक सुंदर पोस्ट शेअर केली. या पोस्टमध्ये 'Two years of love, adventure, and now… a little wild one on the way...'असं लिहिलं आहे. तसंच त्याने पत्नी आणि त्याचा एकत्र फोटोही शेअर केला आहे.आई-बाबा होणार असल्याच्या आनंदी भावना दोघांनी अगदी मोजक्या शब्दांत व्यक्त केल्या आहेत.आता त्याने ही गोड बातमी शेअर केल्यानंतर या दाम्पत्यावर अभिनंदनाचा वर्षाव होतो आहे. 

रणदीप आणि लीन या जोडीबद्दल सांगायचं झाल्यास त्यांनी २०२३ मध्ये लग्न केलं होतं. रणदीप आणि लीन बऱ्याच काळापासून एकमेकांना डेट करत आहेत. लीन मूळची मणिपूरमधील इंफाळ येथील असून ती मॉडेल, अभिनेत्री आणि यशस्वी बिझनेस वूमनदेखील आहे.