Suraj Chavan Marriage: कारमधून रॉयल एन्ट्री अन् 'झापुक झुपूक'वर डान्स! सूरज चव्हाणच्या लग्नसोहळ्यातील व्हिडीओ होतोय व्हायरल
By ऑनलाइन लोकमत | Updated: November 29, 2025 16:32 IST2025-11-29T16:27:46+5:302025-11-29T16:32:02+5:30
Suraj Chavan Marriage: झापुक झुपूकवर गाण्यावर बेभान होऊन नाचला सूरज चव्हाण; लग्नसोहळ्यातील व्हिडीओ आला समोर

Suraj Chavan Marriage: कारमधून रॉयल एन्ट्री अन् 'झापुक झुपूक'वर डान्स! सूरज चव्हाणच्या लग्नसोहळ्यातील व्हिडीओ होतोय व्हायरल
Suraj Chavan Wedding: बिग बॉस मराठीच्या पाचव्या पर्वातून संपूर्ण महाराष्ट्रातील घराघरात पोहोचलेला स्पर्धक, रिलस्टार म्हणजे सूरच चव्हाण. गेल्या काही दिवसांपासून सूरज चव्हाणच्या लग्नाबद्दसोशल मीडियावर चर्चा सुरु आहे. आज २९ नोव्हेंबर रोजी सूरज चव्हाण आणि संजना गोफणे विवाहबद्ध होत आहे. हे लग्न सासवड जेजुरी रोडवरील माऊली गार्डन हॉलमध्ये पार पडणार आहे. याचदरम्यान, सोशल मीडियावर सूरजच्या लग्नसोहळ्यातील एक व्हिडीओ समोर आला आहे.
सूरज चव्हाण संजना गोफणेसोबत आजलग्न करणार आहे. कुटुंबीय आणि मित्रपरिवाराच्या उपस्थितीत सूरज आणि संजना सात फेरे घेत नवीन आयुष्याला सुरुवात करणार आहेत. त्यात आता सूरजच्या लग्नसोहळ्यातील व्हिडिओ समोर आला आहे. यादरम्यान, सूरजने कारमधून लग्नाच्या मंडपात एन्ट्री घेतली. या व्हिडिओत तो झापुक झुपूक गाण्यावर बेभान होऊन डान्स करताना दिसत आहे.
सूरज चव्हाणने लग्नाआधी नुकताच त्याच्या नव्या घरात गृहप्रवेश केला.त्यानंतर हळदीचा कार्यक्रम होता आणि रात्री संगीत सोहळा पार पडला. या तिन्ही कार्यक्रमाचे फोटो सोशल मीडियावर पाहायला मिळत आहेत. आता तो लग्नाच्या बेडीत अडकणार आहे. त्याचे चाहते त्या लग्नाचे फोटो पाहण्यासाठी उत्सुक आहेत.