अरिजीत सिंगच्या आवाजातील 'धुरंधर'चं गाणं रिलीज, रणवीर सिंग-सारा अर्जुनच्या रोमँटिक केमिस्ट्रीची चर्चा

By ऑनलाइन लोकमत | Updated: November 29, 2025 12:49 IST2025-11-29T12:46:31+5:302025-11-29T12:49:13+5:30

रणवीर सिंग-सारा अर्जुन या दोघांची खास केमिस्ट्री असलेलं धुरंधर सिनेमातील रोमँटिक गाणं प्रेक्षकांच्या भेटीला आलं आहे

Arijit Singh Dhurandhar movie gehra hua song released Ranveer Singh Sara Arjun romantic chemistry | अरिजीत सिंगच्या आवाजातील 'धुरंधर'चं गाणं रिलीज, रणवीर सिंग-सारा अर्जुनच्या रोमँटिक केमिस्ट्रीची चर्चा

अरिजीत सिंगच्या आवाजातील 'धुरंधर'चं गाणं रिलीज, रणवीर सिंग-सारा अर्जुनच्या रोमँटिक केमिस्ट्रीची चर्चा

सुपरस्टार रणवीर सिंगचा बहुप्रतिक्षित चित्रपट 'धुरंधर' ५ डिसेंबर रोजी चित्रपटगृहांमध्ये प्रदर्शित होणार आहे. प्रदर्शनापूर्वीच या चित्रपटातील गाणी धुमाकूळ घालत असताना, आता निर्मात्यांनी या चित्रपटाचे तिसरं गाणं 'गहरा हुआ' रिलीज केले आहे. या नवीन रोमँटिक गाण्याची चर्चा आहे.

अरिजीत सिंगने  त्याच्या अप्रतिम आवाजात गायलेले 'गहरा हुआ' हे एक सुंदर गाणं आहे. अरिजीतच्या खास आवाजाने या गाण्याला चार चाँद चढवले आहेत. ज्यामुळे हे गाणे प्रेक्षकांना खूप आवडले आहे.

या गाण्यात रणवीर सिंग आणि अभिनेत्री सारा अर्जुन यांच्यातील जबरदस्त केमिस्ट्री पाहायला मिळते. रणवीर आणि सारा यांच्यातील रोमँटिक केमिस्ट्री या प्रेक्षकांना आवडतेय. सारा अर्जुन रणवीरपेक्षा जवळपास २० वर्षांनी लहान असली तरी, त्यांच्या केमिस्ट्रीमध्ये कुठेही हा फरक जाणवत नाही, असे मत अनेकांनी व्यक्त केले आहे. हे गाणं रिलीज झाल्यानंतर अवघ्या १४ तासांत या गाण्याला ४० लाखांहून अधिक व्ह्यूज मिळाले आहेत.

प्रमोशनल इव्हेंटमध्ये साराचे कौतुक करताना तो पुढे म्हणाला, "मला वाटते ही तुझं टॅलेन्ट आहे की तू हजारो लोकांना मागे टाकून ही भूमिका मिळवली आहेस. असे वाटते की तू यापूर्वी ५० चित्रपट केले आहेत. एक माणूस आणि एक कलाकार म्हणून तू खूप प्रतिभावान आहेस. तू अशा सर्वोत्तम कलाकारांपैकी एक आहेस, ज्यांच्यासोबत मी स्क्रीन शेअर केली आहे. ही तुझी पहिली फिल्म आहे, यावर माझा विश्वास बसत नाहीये."

आदित्य धर दिग्दर्शित, लिखित आणि निर्मित 'धुरंधर' या चित्रपटात रणवीर सिंगसोबत संजय दत्त, अक्षय खन्ना, आर. माधवन आणि अर्जुन रामपाल यांसारखे दिग्गज कलाकार देखील आहेत. मनोरंजक कथा, उत्तम कलाकार आणि श्रवणीय गाण्यांमुळे 'धुरंधर' या वर्षातील मोठ्या रिलीजपैकी एक चित्रपट होण्याच्या दिशेने वाटचाल करत आहे. हा चित्रपट ५ डिसेंबर रोजी सिनेमागृहात प्रदर्शित होणार आहे.

Web Title : अरिजीत सिंह की आवाज़ में 'धुरंधर' का गाना रिलीज़; रणवीर-सारा की केमिस्ट्री चर्चा में।

Web Summary : 'धुरंधर' का अरिजीत सिंह का गाया गाना 'गहरा हुआ' रिलीज़ हो गया है, जिसमें रणवीर सिंह और सारा अर्जुन की केमिस्ट्री दिखाई गई है। उम्र के अंतर के बावजूद, उनका रोमांस मनमोहक है। आदित्य धर द्वारा निर्देशित फिल्म 5 दिसंबर को रिलीज़ होगी।

Web Title : Arijit Singh's 'Dhurandhar' song released; Ranveer-Sara's chemistry sparks buzz.

Web Summary : Arijit Singh's 'Gahra Hua' from 'Dhurandhar' is out, showcasing Ranveer Singh and Sara Arjun's chemistry. Despite their age gap, their romance is captivating. The film, directed by Aditya Dhar, features a stellar cast and releases on December 5th.

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.