अनैतिक संबंधातून अल्पवयीन मुलानं केली महिलेची हत्या; गुप्तांगाला लावली आग

Murder Case : पोलीस तपासात देखील ही हादरून टाकणारी बाब समोर आली आहे. डोक्यात लोखंडी रॉडने प्रहार करून त्याने महिलेची हत्या केली. त्यानंतर तिचा मृतदेह मारुती व्हॅनमधून नेऊन डाबरी परिसरात टाकण्यात आला.

दिल्लीत एका १७ वर्षीय अल्पवयीन मुलाने महिलेची हत्या केल्याची धक्कादायक घटना उघडकीस आली आहे. एवढ्यावरच न थांबता मुलाने  हत्या केल्यानंतर महिलेच्या गुप्तांगाला आग लावली. पोलीस तपासात देखील ही हादरून टाकणारी बाब समोर आली आहे. डोक्यात लोखंडी रॉडने प्रहार करून त्याने महिलेची हत्या केली. त्यानंतर तिचा मृतदेह मारुती व्हॅनमधून नेऊन डाबरी परिसरात टाकण्यात आला.

१५ नोव्हेंबर रोजी दिल्लीतील डाबरी भागात एका अनोळखी महिलेचा मृतदेह आढळून आला होता. या प्रकरणी पोलिसांकडे कोणतीही तक्रार दाखल झाली नव्हती. मात्र पोलिसांनी हत्येचा असल्याने तपास सुरू केला. यावेळी पोलिसांनी घटनास्थळाच्या आजूबाजूच्या परिसराचे सीसीटीव्ही फुटेजही तपासले. यादरम्यान पोलिसांना महिलेची ओळख पटली. नंतर पोलीस तपास करत असताना ज्या मारुती व्हॅनमधून मृतदेहाची विल्हेवाट लावताना एक अल्पवयीन मुलगा सीसीटीव्ही कॅमेरात कैद झाला होता. तसेच ज्या ठिकाणी मृतदेह सापडला त्या ठिकाणी अल्पवयीन मुलाचे लोकेशन आढळले. चौकशीत अल्पवयीन मुलाने सांगितले की, मृत महिला विवाहित असून त्याचे तिच्याशी अनैतिक संबंध होते.

क्राइम :खळबळजनक! योगप्रशिक्षिकेने मित्राचे गुप्तांग कापले; कारण ऐकून बसेल धक्का

काही दिवसांपासून दोघांतील भांडण वाढले होते, त्यानंतर १५ नोव्हेंबर रोजी अल्पवयीन मुलाने महिलेला आपल्या घरी बोलावले होते.  पुन्हा दोघांमध्ये जोरदार भांडण झाले. यानंतर अल्पवयीन मुलाने महिलेच्या डोक्यात लोखंडी रॉडने प्रहार करून तिचा खून केला. नंतर त्याने महिलेच्या गुप्तांगाला आग लावली. यानंतर मारुती व्हॅनने मृतदेहाची विल्हेवाट लावण्यात आली. पोलिसांनी हत्येसाठी वापरलेला लोखंडी रॉड आणि मारुती व्हॅन जप्त केली आहे. मात्र, या घटनेमुळे एकच खळबळ माजली आहे.