Video - संतापजनक! "म्हातारे, मी तुझं बुटाने तोंड फोडेन, तू..."; वृद्ध महिलेला पोलिसाची धमकी
By ऑनलाइन लोकमत | Updated: December 2, 2025 12:07 IST2025-12-02T12:06:57+5:302025-12-02T12:07:50+5:30
Video - उन्नाव पोलिसांचा एक व्हिडीओ सध्या सोशल मीडियावर जोरदार व्हायरल होत आहे.
Video - संतापजनक! "म्हातारे, मी तुझं बुटाने तोंड फोडेन, तू..."; वृद्ध महिलेला पोलिसाची धमकी
उत्तर प्रदेशातील उन्नाव पोलिसांचा एक व्हिडीओ सध्या सोशल मीडियावर जोरदार व्हायरल होत आहे. व्हायरल व्हिडिओमध्ये महिला पोलीस अधिकारी एका वृद्ध महिलेशी गैरवर्तन करताना दिसत आहे. "म्हातारे, माझं ऐक... मी तुझं बुटाने तोंड फोडेन, तू स्वत:चा चेहराही विसरून जाशील. मी तुझ्या बापाची नोकर नाही" असं म्हटलं आहे.
वृद्ध महिलेला त्रास देणारी पोलीस अधिकारी उन्नाव सदर पोलीस ठाण्यात तैनात असून उमा अग्रवाल असं तिचं नाव आहे. बंदूहार गावातील रहिवासी रिंकीने तिचा पती अमित कुमार, सासू छेदाना देवी, सासरे प्रेम, दीर विशाल आणि नणंद पूनम यांच्याविरुद्ध हुंड्यासाठी छळ केल्याचा गुन्हा दाखल केला होता, हे सर्वजण डकौलीमध्ये राहतात.
“अरे मैडम, ये क्या रवैया है? जनता आपकी नौकर नहीं है। यूपी उन्नाव सदर कोतवाली की महिला दरोगा उमा अग्रवाल जी का ऐसा व्यवहार ही लोगों को पुलिस से डराता है।” pic.twitter.com/1K5t2dtvb6
— Vinod kumar Nishad (@DrVinodNishad) November 30, 2025
२८ नोव्हेंबरच्या संध्याकाळी उमा अग्रवाल रिंकीसोबत डकौली गावात आली. येथे रिंकीची ६० वर्षांची सासू छेदाना देवीशी वाद झाला. याच वेळी "मी तुझ्या बापाची नोकर नाही" असं वृद्ध महिलेला म्हणाली. छेदाना देवी यांनी दिलेल्या माहितीनुसार, पोलीस अधिकारी वारंवार तिला त्रास देत होती. तिला कागदपत्रावर सही करण्यास सांगितलं. तिने नकार दिल्यावर पोलीस अधिकारी संतापली.
"मी तुझं बुटाने तोंड फोडेन, तू स्वत:चा चेहराही विसरून जाशील" असंही म्हटलं आहे. कोतवाली पोलिसांनी सांगितलं की, जेव्हा उमा अग्रवाल आल्या तेव्हा लोक संतापले आणि ओरडू लागले. त्यांनी हल्ला करण्याचा प्रयत्नही केला. परिस्थिती चिघळताना पाहून उमाने हस्तक्षेप केला आणि परिस्थिती शांत केली. पोलिसांचं म्हणणं आहे की, व्हायरल व्हिडिओमध्ये संपूर्ण घटना दाखवली नाही. फक्त एक छोटासा भाग दाखवण्यात आला आहे. सध्या हा व्हिडीओ जोरदार व्हायरल होत आहे.