टॅक्सी चालक ते ISI अन् डी गॅंगचा हस्तक..कोण आहे जान मोहम्मद अली शेख?

Jan Mohammad Ali Shaikh : त्याला दोन मुलीही आहेत, एका मुलीचं पदव्युत्तर शिक्षण झालंय, तर  दुसरी मुलगी शाळेत जातेय. जान मोहम्मद शेख एटीएसच्याही रडारवर होता. मुंबईत अनेक वर्ष टॅक्सी चालवायचा त्याला अनुभव होता.

ठळक मुद्देसायनच्या केलाबखार परिसरात खोली क्रमांक १८५ मध्ये तो राहत असल्याची माहिती समोर येत आहे. त्याला अमली पदार्थाचे देखील व्यसन असल्याची माहिती मिळत आहे. 

दिल्लीपोलिसांनी अटक केलेल्या दहशतवादी जान मोहम्मद अली शेख हा मुंबईचा राहणारा आहे. मुंबईच्या सायनमध्ये धारावीतील झोपडपट्टीत राहणारा ४७ वर्षीय जान मोहम्मद दिल्लीपोलिसांच्या अटकेत आहे. एक सर्वसामान्य टॅक्सीचालक दाऊदच्या आमिषाला भुलला. कर्जबाजारी जान मोहम्मद हा टॅक्सीचालक आहे. सायनच्या केलाबखार परिसरात खोली क्रमांक १८५ मध्ये तो राहत असल्याची माहिती समोर येत आहे. त्याला अमली पदार्थाचे देखील व्यसन असल्याची माहिती मिळत आहे. 

त्याला दोन मुलीही आहेत, एका मुलीचं पदव्युत्तर शिक्षण झालंय, तर  दुसरी मुलगी शाळेत जातेय. जान मोहम्मद शेख एटीएसच्याही रडारवर होता. मुंबईत अनेक वर्ष टॅक्सी चालवायचा त्याला अनुभव होता. त्यामुळे अर्थातच मुंबईतील गल्लीबोळ्याची आणि ररस्त्यांची त्याला चांगली माहिती होती. गणपती, नवरात्रीत मुंबईत घातपात करायची जबाबदारी त्याच्यावर सोपवण्यात येणार होती. १३ तारखेला मुंबई सेंट्रलवरुन जान मोहम्मद दिल्लीला रवाना झाला. मुंबईतला एक कसलेला टॅक्सीड्रायव्हर. ज्याला मुंबईतला कानाकोपरा माहिती आहे आणि जो कर्जाच्या बोजाखाली दाबला गेलाय. त्यामुळेच पैशाचं आमिष दाखवून जान मोहम्मदला डी-गँगनं जाळ्यात ओढलं असावं, असा एटीएसने संशय व्यक्त केला आहे.

दिल्ली विशेष पोलिसांना जे दहशतवादी सापडले आहेत, त्यांचं कनेक्शन आयसिस आणि डी गॅंगशी आहे. त्यात धारावीत राहणारा मोहम्मद जान हा धारावीत लहानाचा मोठा झालाय. त्याचे आई- वडिलांचा काही वर्षापूर्वी निधन पावले होते. 

पाकिस्तानमध्ये डी कंपनीशी जानचे २० वर्षापूर्वीचे संबंध; पायधुनी पोलीस ठाण्यात गोळीबाराची केसhttps://t.co/uOJcujW2sw

— Lokmat (@MiLOKMAT) September 15, 2021

धारावीत खळबळ, एक चरसी बनला दहशतवादी, सुरक्षेसाठी जानचे कुटुंब पोलिसांच्या देखरेखीखालीhttps://t.co/WOYG5neYmS

— Lokmat (@MiLOKMAT) September 15, 2021