१४ वर्षांची मुलगी ५ महिन्यांची गर्भवती; तपासातून समोर आली चक्रावून टाकणारी माहिती; पोलीस हादरले

पोलिसांकडून ५ जणांना अटक; एक जण फरार; आरोपीचा शोध सुरू

पोल्लाच्ची: तमिळनाडूच्या पोल्लाच्चीमध्ये एक धक्कादायक प्रकार समोर आला आहे. एक १४ वर्षीय मुलगी ५ महिन्यांची गर्भवती असल्यानं तिच्या कुटुंबियांना धक्का बसला आहे. कुटुंबियांनी याची तक्रार पोलिसांकडे केली. त्यानंतर पोलिसांनी मुलीची चौकशी केली. त्यातून समोर आलेल्या माहितीनं पोलीस चक्रावले. अल्पवयीन मुलीवर सहापेक्षा अधिक जणांना लैंगिक अत्याचार केल्याचा प्रकार चौकशीतून समोर आला.

१४ वर्षांची मुलगी १६ वर्षांच्या मुलावर प्रेम करायची. त्या मुलानं तिचं लैंगिक शोषण केलं. त्यानंतर त्याच्या ५ मित्रांनीदेखील तिचं लैंगिक शोषण केलं. मुलगी ५ महिन्यांची गर्भवती असताना कुटुंबियांना याची माहिती समजली. त्यानंतर त्यांनी पोलीस ठाण्यात धाव घेतली. पीडित मुलीच्या कुटुंबियांनी तक्रार केल्यानंतर पोलिसांनी पाचही आरोपींना अटक केली. यातील दोघेजण अल्पवयीन आहेत. 

पोलिसांनी दिलेल्या माहितीनुसार, पीडित मुलगी दहावीत शिकते. ती बऱ्याचदा घरी एकटीच असते. तिचे आई, वडील मजुरी करतात. मुलगी शेजारीच्या राहणाऱ्या ११ वीत शिकणाऱ्या मुलाच्या प्रेमात पडली. त्यानंतर तो तिचं शारिरीक शोषण करू लागला. प्रियकराच्या मित्रांनी जानेवारी, फेब्रुवारीच विविध ठिकाणी नेऊन मुलीवर लैंगिक अत्याचार केले. धक्कादायक बाब म्हणजे मुलीच्या काकानंदेखील तिच्यावर लैंगिक अत्याचार केले. सोमवारी मुलीच्या पोटात दुखू लागलं. त्यानंतर तिला रुग्णालयात दाखल करण्यात आलं. यावेळी ती गर्भवती असल्याची माहिती समोर आली.

या प्रकरणी पोलिसांनी पीडितेच्या १६ वर्षीय प्रियकराला बेड्या ठोकल्या आहेत. यासोबतच भिंत रंगवण्याचं काम करणाऱ्या एका अल्पवयीन मुलीला अटक केली आहे. याशिवाय एस. नागराज (१९ वर्ष), टी. प्रवीण (२० वर्ष) आणि व्ही. मुथुमुरगन (१९ वर्ष) यांनादेखील अटक करण्यात आली आहे. तर मुलीच्या काकाचा शोध सरू आहे.