क्रूरपणाचा कळस! १७ वर्षीय दिव्यांग मुलीवर सामूहिक बलात्कार; लाकूड घुसवून डोळे फोडले अन्…

By प्रविण मरगळे | Published: January 13, 2021 08:52 AM2021-01-13T08:52:15+5:302021-01-13T08:53:28+5:30

मधुबनी जिल्ह्यातील हरलाखी पोलीस स्टेशनच्या हद्दीत ही घटना घडली, पीडित कुटुंबाच्या माहितीनुसार, बिहार बोर्डाच्या परीक्षेची तयारी करणारी मुलगी बोलण्यास आणि ऐकण्यास असमर्थ आहे.

Sexual Harassments By Some People With 17 Year Old Physically Challenged Girl In Bihar | क्रूरपणाचा कळस! १७ वर्षीय दिव्यांग मुलीवर सामूहिक बलात्कार; लाकूड घुसवून डोळे फोडले अन्…

क्रूरपणाचा कळस! १७ वर्षीय दिव्यांग मुलीवर सामूहिक बलात्कार; लाकूड घुसवून डोळे फोडले अन्…

Next
ठळक मुद्देकुटुंबीयांना तातडीने उमगाव प्राथमिक आरोग्य केंद्रात मुलीला उपचारासाठी दाखल केलेमुलीच्या एका डोळ्यात लाकूड घुसवून तिचा डोळा फोडण्यात आला आहेया बलात्कारात सहभागी असलेल्या एका संशयिताला अटक करण्यात आली आहे

बिहार – राज्यातील मधुबनी जिल्ह्यात चारा घेण्यासाठी गेलेल्या १७ वर्षीय दिव्यांग अल्पवयीन मुलीसोबत काही जणांना सामूहिक बलात्कार केल्याची निर्दयी घटना घडली आहे. इतकचं नाही तर या घटनेनंतर ओळख लपवण्यासाठी लाकडाच्या तुकड्याने मुलीचे डोळे फोडण्यात आले आणि अशाच अवस्थेत तिला फेकून फरार झाले, या मुलीला दरभंगा मेडिकल कॉलेजमध्ये उपचारासाठी दाखल करण्यात आले आहे. मात्र मुलीची प्रकृती चिंताजनक आहे.

मधुबनी जिल्ह्यातील हरलाखी पोलीस स्टेशनच्या हद्दीत ही घटना घडली, पीडित कुटुंबाच्या माहितीनुसार, बिहार बोर्डाच्या परीक्षेची तयारी करणारी मुलगी बोलण्यास आणि ऐकण्यास असमर्थ आहे. मंगळवारी दुपारी ती शेळ्यांसाठी चारा आणि जळणासाठी लाकडं आणायला जवळच्या मनहरपूर गावाच्या नदीकिनारी गेली होती. त्याचवेळी काही क्रूर लोकांनी तिच्यावर अतिप्रसंग केला. मुलगी खूप उशीर झाला तरी घरी पोहचली नाही म्हणून तिला शोधण्यासाठी कुटुंबातील लोक बाहेर पडले, तेव्हा एका बागेत मुलगी नग्न स्थितीत बेशुद्ध अवस्थेत सापडली.

कुटुंबीयांना तातडीने उमगाव प्राथमिक आरोग्य केंद्रात मुलीला उपचारासाठी दाखल केले, तेथे डॉ. अजितकुमार सिंग यांनी तिच्या उपचार केले, आणि प्रकृती गंभीर असल्याने तिला मधुबनी सदर हॉस्पिटलमध्ये पुढील उपचारासाठी पाठवले. सध्या मधुबनी सदर रूग्णालयातून मुलीला दरभंगा मेडिकल कॉलेजमध्ये उपचारासाठी हलवण्यात आलं आहे. मुलीची प्रकृती गंभीर आहे.

डॉक्टरांच्या म्हणण्यानुसार मुलीच्या एका डोळ्यात लाकूड घुसवून तिचा डोळा फोडण्यात आला आहे. तर दुसऱ्या डोळ्याचीही दृष्टी जाण्याचा धोका आहे. याशिवाय डोळ्यांवर गंभीर जखमा झाल्या आहेत. हरलाखी पोलीस स्टेशनचे अधिकारी प्रेमलाल पासवान म्हणाले की, या बलात्कारात सहभागी असलेल्या एका संशयिताला अटक करण्यात आली आहे. त्याचं नाव लक्ष्मी मुखिया असं आहे. मुलीच्या कुटुंबीयांनी या घटनेच्या वेळी नदीकडून येताना त्याला पाहिले होते आणि त्याच्या कपड्यांवर, शरीरावर माती आणि गवत लागल्याचं दिसलं होतं, संशयिताकडून सखोल तपास सुरू आहे आणि अन्य आरोपींची नावे समजताच त्यांनाही तातडीने अटक करण्यात येईल.  

Web Title: Sexual Harassments By Some People With 17 Year Old Physically Challenged Girl In Bihar

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.