गरोदर राहिल्याने शाळकरी मुलीवरील लैंगिक अत्याचार आला उघडकीस 

अज्ञात व्यक्तीकडून सहा महिन्यांपूर्वी कुकर्म 

ठळक मुद्देयाप्रकरणी उपनगर पोलिस ठाण्यात अज्ञात नराधमाविरुद्ध बलात्कारासह पॉक्सो कायद्यान्वये गुन्हा दाखल करण्यात आला आहे. मुलीला वाटले आई आली. तीने दरवाजा उघडला असता त्या व्यक्तीने मुलीला खाली पाडून तोंड दाबून पुन्हा अतिप्रसंग केला.

नाशिकरोड : देवळालीगावातील एका अल्पवयीन शाळकरी विद्यार्थीनी सहा महिन्यापूर्वी सायकलवरुन घरी येत असताना अज्ञात इसमाने सायकलला धडक देऊन तिला खाली पाडून तिच्यावर अतिप्रसंग केल्याचा धक्कादायक प्रकार मुलीला पोटदुखीचा त्रास होऊ लागल्याने मंगळवारी(दि.18) उघडकीस आला. याप्रकरणी उपनगर पोलिस ठाण्यात अज्ञात नराधमाविरुद्ध बलात्कारासह पॉक्सो कायद्यान्वये गुन्हा दाखल करण्यात आला आहे. 

 

पोलिसांनी दिलेली माहिती अशी, देवळालीगाव परिसरात राहणा-या अल्पवयीन विद्यार्थीनीने दिलेल्या फिर्यादीत म्हटले आहे की, फेब्रुवारी महिन्यात ती सायंकाळी साडेपाचच्या सुमारास नेहमीप्रमाणे शाळेतून सायकलावर घरी येत होती. यावेळी एका अज्ञात व्यक्तीने तिच्या सायकलला धक्का दिल्याने ती खाली पडले. यावेळी रस्त्यावर कोणीही नसल्याचा गैरफायदा त्या तोंडावर रुमाल बांधलेल्या नराधमाने घेतला. शाळकरी मुलीला बाजूला एका पडीक जागेत नेऊन तिच्यावर बळजबरीने अत्याचार केला. दरम्यान, ती बेशुध्द पडली असता नराधम त्याच अवस्थेत तिला सोडून फरार झाला. काही वेळेनंतर ती शुध्दीवर आली आणि कसेबसे घर गाठले. घरी आई वडिलांना सांगितले तर ते शिक्षण बंद करतील या भितीमुळे विद्यार्थिनीने कोणालाही काही सांगितले नाही. दोन आठवड्यानंतर रात्री आठ वाजेच्या सुमारास ती पीडित शाळकरी मुलगी घरी एकटी होती. आई वडिल कामानिमित्त बाहेर गेले होते. यावेळी एका अज्ञात व्यक्तीने तिच्या घराचा दरवाजा ठोठावला. 

 

मुलीला वाटले आई आली. तीने दरवाजा उघडला असता त्या व्यक्तीने मुलीला खाली पाडून तोंड दाबून पुन्हा अतिप्रसंग केला. वडिल खूप रागट स्वभावाचे असल्याने घाबरून पीडित मुलीने कोणाला काही सांगितले नाही. दहा दिवसांपूर्वी या पीडित मुलगी आई वडिलांसह कन्नड विठ्ठलपूर येथे मामाच्या घरी गेली. मुलीचे पाय व पोट खूप दुखत असल्याने तिला दवाखान्यात नेण्यात आले. तेव्हा ती गरोदर असल्याचे उघड झाले. मुलीने सर्व घटना पालकांना सांगितली. औरंगाबादच्या शासकीय रुग्णालयात मुलीला दाखल करण्यात आला असून तिच्यावर उपचार सुरू आहे. याप्रकरणी उपनगर पोलिस ठाण्यात अनोळखी व्यक्तिविरुद्ध बलात्काराचा गुन्हा दाखल करण्यात आला सून पोलीस त्या नराधमाचा शोध घेत आहे. 

 

अन्य महत्वाच्या बातम्या...

 

पत्नी सेक्स करू देत नसल्याने पतीने केली आत्महत्या, पोलिसात गुन्हा दाखल

 

लज्जास्पद! चहा करण्यास नकार दिल्याने पतीने पत्नीच्या गुप्तांगात टाकली मिरची पावडर

 

बॉलिवूड अभिनेत्यासह २३ जणांना अटक, कोरोना दहशतीखालीही गोव्यात रंगली रेव्ह पार्टी

 

पुणेरी टोळीचा कोपर खैरणेत हैदोस, पोलिसांनी पाठलाग करून पकडले आरोपी

 

पत्नीचे सहा तुकडे करून नेपाळमध्ये पळून जाण्याच्या तयारीत होता पती पण...

 

बाथरुमधील खिडकीच्या काचेनं गळा, हाताची नस कापून घेतली; खुनाच्या आरोपीचा जेलमध्येच आत्महत्येचा प्रयत्न

 

19 मांजरींचा संशयास्पद मृत्यू, विष देऊन मारल्याची शक्यता