भयंकर! एकाच कुटुंबातील 4 महिलांवर बलात्कार, परिसरात खळबळ

Crime News : महिलांवरील अत्याचाराच्या आणि बलात्काराच्या घटनांमध्ये दिवसागणिक वाढ होत आहेत.

नवी दिल्ली - देश सध्या कोरोनाच्या संकटाचा सामना करत असतानाच अनेक धक्कादायक घटना सातत्याने समोर येत आहेत. महिलांवरील अत्याचाराच्या आणि बलात्काराच्या घटनांमध्ये दिवसागणिक वाढ होत आहेत. याच दरम्यान आणखी एक धक्कादायक घटना समोर आली आहे. एकाच कुटुंबातील चार महिलांवर बलात्कार झाल्याचा भयंकर प्रकार घडला आहे. या घटनेमुळे परिसरात एकच खळबळ उडाली आहे. पीडितांमध्ये एका अल्पवयीन मुलीचाही समावेश आहे. चारही महिलांना आपल्या जाळ्यात अडकवून आरोपीने हे कृत्य केलं आहे.

मिळालेल्या माहितीनुसार, राजस्थानमधील दौसा जिल्ह्यात माणुसकीला काळीमा फासणारी ही घटना घडली आहे. विष्षू गुर्जर असं आरोपीचं नाव असून पीडित कुटुंबाच्या घराजवळच त्याचा ढाबा आहे. गेल्या एक वर्षापासून आरोपी कुटुंबातील एका महिलेवर लैंगिक अत्याचार करत होता. त्यानंतर त्याने महिलेच्या लहान बहिणी आणि मुलीलाही आपल्या जाळ्यात ओढण्याचा प्रयत्न केला. महिलेला याची माहिती मिळताच तिने पोलिसांत धाव घेतली आणि आरोपीविरोधात तक्रार दाखल केली. तसेच संपूर्ण धक्कादायक प्रकार पोलिसांना सांगितला आहे. 

निर्भया केंद्रावर सुरू असलेल्या काऊन्सिलींगदरम्यान 17 वर्षाच्या मुलीने सांगितला भयंकर अनुभव, केला धक्कादायक खुलासा https://t.co/IqopzCmV6J#Rape#crime#crimesnews

— Lokmat (@MiLOKMAT) January 19, 2021

महिलेने तक्रार दिल्यानंतर कुटुंबातील इतर महिला पुढे आल्या आणि आरोपीविरोधात तक्रार दिली. आरोपीविरोधात 23 आणि 24 जानेवारीला बलात्काराच्या दोन तक्रारी दाखल करण्यात आल्या आहेत. पोलिसांनी आरोपीविरोधात गुन्हा दाखल केला असून ते अधिक तपास करत आहेत. एका हिंदी वेबसाईटने याबाबतचे वृत्त दिले आहे. याच दरम्यान बहीण-भावाच्या नात्याला काळीमा फासणारी एक घटना समोर आली आहे. हरियाणाच्या फतेहाबादमध्ये एक लज्जास्पद घटना घडली. भावानेच 5 वर्षांच्या बहिणीवर बलात्कार केला आहे. CCTV फुटेजमधून हा धक्कादायक प्रकार समोर आला आहे. 20 वर्षीय तरूण आपल्या आत्याच्या घरी 15 दिवसांसाठी राहायला आला होता. 

15 दिवसांसाठी तो राहायला आला होता अन्...; भयंकर घटनेने खळबळhttps://t.co/9Sa0ASA9CG#crime#Rape#Police

— Lokmat (@MiLOKMAT) January 20, 2021

नात्याला काळीमा! भावानेच केला 5 वर्षांच्या बहिणीवर बलात्कार; CCTV फुटेजमधून धक्कादायक खुलासा

तरुणाने याच दरम्यान आपल्या आत्याच्या मुलीवर बलात्कार केला आहे. मुलीने आपल्या कुटुंबीयांना तिच्यासोबत घडलेला धक्कादायक प्रकार सांगितला. त्यावेळी वडिलांनी त्यांच्या घरामध्ये लावण्यात आलेल्या सीसीटीव्हीचं फुटेज चेक केलं. फुटेज पाहून सर्वांनाच धक्का बसला आणि बलात्काराची ही भयंकर घटना समोर आली आहे. यानंतर मुलीच्या वडिलांनी पोलीस ठाण्यात धाव घेऊन याबाबत तक्रार दाखल केली  आहे. तरुण मोटार मेकॅनिकचं काम शिकण्यासाठी सिरसा येथून फतेहाबादमध्ये आल्याची माहिती नातेवाईकांनी दिली.

धक्कादायक! पत्नी माहेरी राहत असल्याने रागाच्या भरात पतीने लावली आग, तिघांची प्रकृती गंभीरhttps://t.co/ExXO7mlahM#crime#Fire#Police

— Lokmat (@MiLOKMAT) January 15, 2021