डाेक्यात दगड घालून हत्या; आरोपीस १२ तासात पोलिसांनी केली अटक

Crime News :उदगीर शहरातील मध्यवर्ती बसस्थानकातील पत्र्याच्या शेडमध्ये एका अनाेळखी व्यक्तीचा काेणीतरी अज्ञाताने अज्ञात कारणावरुन डाेक्यात दगड घालून खून केला.

लातूर : उदगीरच्या मध्यवर्ती बसस्थानकात एका साठ वर्षीय इसमाचा डाेक्यात दगड घालून खून करण्यात आल्याची घटना मंगळवारी सायंकाळच्या सुमारास उघडकीस आली हाेती. दरम्यान, या खून प्रकरणी एकाला उदगीरच्या पाेलीस पथकाने बारा तासाच्या आत अटक केली आहे.

पाेलिसांनी सांगितले, उदगीर शहरातील मध्यवर्ती बसस्थानकातील पत्र्याच्या शेडमध्ये एका अनाेळखी व्यक्तीचा काेणीतरी अज्ञाताने अज्ञात कारणावरुन डाेक्यात दगड घालून खून केला. ही घटना मंगळवारी सायंकाळच्या सुमारास समाेर आली. घटनास्थळी तातडीने उपविभागीय पाेलीस अधिकारी डॅनियल बेन, पाेलीस निरीक्षक गाेरख दिवे यांनी भेट दिली. मयत व्यक्तींची ओळख पटविण्यासाठी त्यांनी प्रयत्न सुरु केले. अखेर बुधवारी ओळख पटविण्यात पाेलिसांना यश आले असून, बाबुराव पांचाळ (रा. लाेदा ता. भाजकी जि. बीदर) असे मयत व्यक्तीचे नाव असल्याचे पाेलिसांनी सांगितले. याबाबत उदगीर शहर पाेलीस ठाण्यात अज्ञाताविराेधात खुनाचा गुन्हा दाखल करण्यात आला. 

याप्रकरणी पाेलीस अधीक्षक निखील पिंगळे, अप्पर पोलीस अधीक्षक अनुराग जैन यांनी आरोपींच्या शोधबाबत उदगीर शहर पोलिसांना सूचना केल्या. त्यानंतर उपविभागीय पोलीस अधिकारी डॅनियल बेन, पोलीस निरीक्षक गोरख दिवे, सपोनि. भीमराव गायकवाड, पोउपनि. एडके यांनी रात्रभर तपासाची चक्रे फिरवून घटनेबाबत विविध लोकांकडे कचरा वेचणारे व्यक्ती, रिक्षेवाले, हातगाडीवाले यांच्याकडे चौकशी केली. हाती आलेल्या माहितीच्या आधारे गुन्ह्यातील संशयीत आरोपी ईरवंत नागनाथ मानकरी (४३ रा. देवणी) याला ताब्यात घेण्यात आले. याबाबत विश्वासात घेऊन अधिक चाैकशी केली असता, खून केल्याची कबुली दिली. ही कारवाई बबन टारपे, श्रीकृष्ण चामे, गजानन पुल्लेवाड, विष्णू गुंडरे, अभय सगर, पवन गायकवाड, जायभाये, राहुल गायकवाड, तुळशीराम बरुरे यांच्या पथकाने केली.