भयंकर! गळ्यात टायर बांधला अन्…; घरातून पळून जाणाऱ्या तरुण-तरुणीसोबत गैरवर्तन; Video व्हायरल
By ऑनलाइन लोकमत | Published: September 22, 2021 03:17 PM2021-09-22T15:17:30+5:302021-09-22T15:21:55+5:30
Crime News : सोशल मीडियावर व्हायरल होणाऱ्या व्हिडीओमध्ये एक जण तरुणाला काठीने मारताना देखील दिसत आहेत.
भयंकर! गळ्यात टायर बांधला अन्…; घरातून पळून जाणाऱ्या तरुण-तरुणीसोबत गैरवर्तन; Video व्हायरल
Next नवी दिल्ली - देशात अनेक धक्कादायक घटना घडत आहेत. अशीच एक माणुसकीला काळीमा फासणारी एक घटना समोर आली आहे. मध्य प्रदेशमध्ये एक भयंकर घटना घडली. एक तरुणी, तिच्यासोबत पळून जाणारा तरुण आणि यासाठी मदत करणारी मुलीची अल्पवयीन बहीण या तिघांसोबत गैरवर्तन करण्यात आलं आहे. मुलीच्या कुटुंबीयांनी या तिघांच्याही गळ्यात टायर लटकवले आणि लोकांसमोर गाण्यावर नाचण्यास त्यांना भाग पाडलं. या घटनेचा एक व्हिडीओ सोशल मीडियावर जोरदार व्हायरल झाला आहे. धार जिल्ह्यातील गंधवानी पोलीस स्टेशनमध्ये या घटनेची तक्रार नोंद करण्यात आली आहे.
14 वर्षीय मुलीने तक्रार दाखल केली आहे. 19 वर्षीय मुलीचे वडील, तिचा भाऊ आणि नातेवाईकांविरोधात भारतीय दंड संहितेच्या कलम 254, 323, 506, 354, 363, 343 आणि 147 अंतर्गत गुन्हा दाखल करण्यात आला आहे. धार जिल्हा एसपी आदित्यसिंह यांनी दिलेल्या माहितीनुसार, या घटनेतील पाच आरोपींपैकी चार जणांना अटक करण्यात आली आहे. या संपूर्ण प्रकरणात एक महत्त्वाची बाब म्हणजे 19 वर्षीय मुलीसोबत पळून जाणाऱ्या तरुणावर यापूर्वी याच मुलीने बलात्काराचा आरोप केला होता. या आरोपानंतर त्या तरुणाला अटक देखील करण्यात आली.
A young tribal girl, her friend and a man with whom she eloped were punished by the young girl's family. Family members put tyres around their necks 4 out of 5 accused have been arrested @ndtv@ndtvindia@GargiRawat@manishndtvpic.twitter.com/JJgrweGtIY
— Anurag Dwary (@Anurag_Dwary) September 22, 2021
सोशल मीडियावर व्हायरल होणाऱ्या व्हिडीओमध्ये एक जण तरुणाला काठीने मारताना देखील दिसत आहेत. ही संपूर्ण घटना गंधवानी येथील कुंडी गावाची असल्याचं सांगितलं जात आहे. पोलिसांनी दिलेल्या माहितीनुसार, ही घटना मुला-मुलीच्या घरातून पळून जाण्याशी संबंधित असून यामध्ये लहान बहिणीने आपल्या मोठ्या बहिणीला मदत केली आहे. सोमवारी आरोपीविरोधात गांधवानी पोलीस ठाण्यात विविध कलमांखाली गुन्हा दाखल करण्यात आला आहे. तसेच काहींना अटक करण्यात आली आहे. एका हिंदी वेबसाईटने याबाबतचे वृत्त दिले आहे.
नात्याला काळीमा! हुंड्यासाठी पती झाला हैवान, सासरच्या मंडळींकडून विवाहितेचा छळ, मारहाण#TripleTalaqhttps://t.co/XJbInbaOUN
— Lokmat (@MiLOKMAT) September 21, 2021
खळबळजनक! बलात्कारनंतर अल्पवयीन मुलीने टोकाचं पाऊल उचललं; गळफास घेऊन जीवन संपवलं https://t.co/Vqvg8Kki4U
— Lokmat (@MiLOKMAT) September 21, 2021