कुर्ला हत्या प्रकरण : हत्या केली, पण बलात्कार केला नाही, आरोपींची कबुली

By लोकमत न्यूज नेटवर्क | Published: November 29, 2021 10:16 AM2021-11-29T10:16:23+5:302021-11-29T10:16:43+5:30

Kurla murder case: लग्नासाठी दबाव टाकत असल्याच्या रागात तरुणीची सुरा आणि हातोडीने हत्या केल्याची माहिती १८ वर्षीय तरुणीच्या बलात्कार आणि हत्या प्रकरणात अटक करण्यात आलेल्या आरोपीच्या चौकशीतून समोर आली आहे. तसेच त्यांनी बलात्कार केला नसल्याचे पोलिसांना सांगितले असून याप्रकरणी अधिक तपास सुरू आहे. दोघांनाही ६ डिसेंबरपर्यंत पोलीस कोठडी सुनावण्यात आली आहे.

Kurla murder case: Murder, but not rape, confession of the accused | कुर्ला हत्या प्रकरण : हत्या केली, पण बलात्कार केला नाही, आरोपींची कबुली

कुर्ला हत्या प्रकरण : हत्या केली, पण बलात्कार केला नाही, आरोपींची कबुली

Next

मुंबई : लग्नासाठी दबाव टाकत असल्याच्या रागात तरुणीची सुरा आणि हातोडीने हत्या केल्याची माहिती १८ वर्षीय तरुणीच्या बलात्कार आणि हत्या प्रकरणात अटक करण्यात आलेल्या आरोपीच्या चौकशीतून समोर आली आहे. तसेच त्यांनी बलात्कार केला नसल्याचे पोलिसांना सांगितले असून याप्रकरणी अधिक तपास सुरू आहे. दोघांनाही ६ डिसेंबरपर्यंत पोलीस कोठडी सुनावण्यात आली आहे.

कुर्ला येथील एचडीआयएल या प्रकल्पग्रस्तांच्या पुनर्वसनासाठी तयार करण्यात आलेल्या प्रकल्पातील बंद पडलेल्या एका तेरा मजली इमारतीच्या गच्चीवर असलेल्या लिफ्ट रूममध्ये २५ नोव्हेबर रोजी व्हिडिओ शुटिंगसाठी गेलेल्या तरुणांना तरुणीचा कुजलेल्या अवस्थेत मृतदेह आढळल्यानंतर हा प्रकार उघडकीस आला आहे. शवविच्छेदनाच्या प्राथमिक अहवालात बलात्कारानंतर तिची हत्या करण्यात आल्याचे समोर आले. त्यानुसार, विनोबा भावे नगर पोलिसांनी बलात्कार, हत्येचा गुन्हा नोंदवत तपास सुरू केला.

विनोबा भावे नगर पोलिसांसह कुर्ला, धारावी पोलिसांची विविध पथके स्थापन करून अनोळखी महिलेची ओळख पटवण्याचे काम सुरू केले. याचदरम्यान देवनार पोलीस ठाण्यात मिसिंग असलेली मुलगी मृत तरुणीशी मिळतीजुळती वाटत असल्याने तिच्या पालकांकडे पोलिसांनी चौकशी करत मृतदेह दाखवला. तो त्यांच्याच मुलीचा असल्याचे स्पष्ट होताच पथकाने मुलीच्या मित्रमैत्रिणींकडे तपास सुरू केला. तिच्या मोबाईल सीडीआरमधून गोवंडीतील प्रियकर रयान खानची (१९) माहिती मिळाली. त्यानुसार, पोलिसांनी रयान आणि त्याचा मित्र फैसल शेख (१९) या दोघांना कुर्ला येथून ताब्यात घेतले. चौकशीत मृत तरुणी लग्नासाठी दबाव टाकत असल्याने २३ नोव्हेंबर रोजी मित्र फैसलच्या मदतीने तिची सुरा आणि हातोड़ीने हत्या केल्याची कबुली रयानने दिली आहे. मात्र बलात्कार केला नसल्याचेही त्याने नमूद केले आहे.

Web Title: Kurla murder case: Murder, but not rape, confession of the accused

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.