International Bookie Arrested for match fixing | मॅचफिक्सिंगप्रकरणी मोठी कारवाई; आंतरराष्ट्रीय सट्टेबाजाला अटक  
मॅचफिक्सिंगप्रकरणी मोठी कारवाई; आंतरराष्ट्रीय सट्टेबाजाला अटक  

बंगळुरू - क्रिकेट जगतात पुन्हा एकदा मॅचफिक्सिंगच्या वादळाने खळबळ उडवली आहे. कर्नाटक प्रीमियर लीगमध्ये झालेल्या मॅच फिक्सिंगप्रकरणी काही क्रिकेटपटूना अटक करण्यात आल्यानंतर या प्रकरणाच्या तपास करणाऱ्या सेंट्रल क्राइम ब्रँचने अजून एक मोठी कारवाई केली आहे. कर्नाटक प्रीमियर लीगमधील मॅचफिक्सिंग प्रकरणी एका आंतरराष्ट्रीय सट्टेबाजाला अटक करण्यात आली आहे. 

सय्यम असे या आंतरराष्ट्रीय सट्टेबाजाचे नाव आहे. तो हरयाणातील राहणारा आहे. सट्टेबाजीच्या आरोपांमुळे त्याच्याविरोधात लूक-आऊट सर्क्युलर जारी करण्यात आले होते. कर्नाटक प्रीमिअर लीगमधील मॅच फिक्सिंगचे प्रकरण समोर आल्यानंतर निशांत सिंह शेखावत याला अटक करण्यात आली होती. त्यानंतर आणखी दोन खेळाडूंना सीबीआयच्या बेंगळुरूतील पथकाने अटक केली होती.   

भारतीय क्रिकेटपटू निशांत सिंह शेखावत याला सट्टेबाजीच्या आरोपाखाली अटक करण्यात आली होती. यानंतर कर्नाटक प्रीमियर लीगमध्ये बेल्लारी टस्कर्सकडून खेळणाऱ्या कर्णधार सीएम गौतम आणि अबरार काझी यांनी 2019 च्या केपीएलमध्ये अंतिम सामन्यात स्पॉट फिक्सिंग केल्याचे समोर आले होते. बंगळुरू ब्लास्टर्स टीमचे बॉलिंग प्रशिक्षक विनू प्रसाद आणि बॅटिंग प्रशिक्षक विश्वनाथन यांना मागच्या वर्षी बंगळुरू ब्लास्टर्स आणि बेळगावी पँथर्समध्ये झालेल्या मॅचमध्ये फिक्सिंग केल्याप्रकरणी अटक केला होती.

सीएम गौतम कर्नाटककडून रणजी ट्रॉफी खेळला आहे. त्याचप्रमाणे आयपीएलमध्ये विराट कोहलीच्या नेतृत्वाखालील रॉयल चॅलेंजर्स बेंगळुरूमध्ये 2011 आणि 2012 च्या मोसमात सहभागी होता. तसेच त्याला  मुंबई आणि दिल्ली संघाने देखील आपल्या संघात घेतले होते.

Web Title: International Bookie Arrested for match fixing

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.