लग्नानंतर सासरी जात होती नवरी, बॉयफ्रेन्डने भर रस्त्यात गाडी अडवून झाडली तिच्यावर गोळी

Haryana Crime News : जखमी नवरीला पीजीआय रोहतकच्या ट्रामा सेंटरमध्ये दाखल करण्यात आलं. तिची स्थिती गंभीर असून पोलीस प्रकरणाची चौकशी करत आहेत. 

हरयाणाच्या (Haryana) रोहतकमधून एक हैराण करणारी घटना समोर आली आहे. इथे एक नवरी लग्नानंतर सासरी जात होती. त्यावेळी रस्त्यात तिच्यावर गोळी झाडण्यात आली. असं सांगितलं जात आहे की, काही लोकांनी नवरीच्या कार ओव्हरटेक करून थांबवलं. नवरदेवाला बाहेर काढलं आणि मग नवरीच्या मानेवर गोळी झाडली. हल्लेखोरांना नवरदेवाच्या भावाची सोन्याची चेनही घेतली आणि फरार झाले. जखमी नवरीला पीजीआय रोहतकच्या ट्रामा सेंटरमध्ये दाखल करण्यात आलं. तिची स्थिती गंभीर असून पोलीस प्रकरणाची चौकशी करत आहेत. 

नवरीवर रस्त्यात झाडली गोळी

घटनेची माहिती मिळताच पोलीस घटनास्थळी पोहोचले होते. सांपला गावात राहणाऱ्या तरूणीचं लग्न भाली आनंदपूर गावात राहणाऱ्या तरूणासोबत झालं होतं. शुक्रवारी नवरी लग्न करून आपल्या सासरी जात होती. कार नवरदेवाचा भाऊ सुनील चालवत होता. रात्री साधारण १२ वाजता गावातील शिव मंदिराजवळ पोहोचताच मागून इनोव्हा कारमधून तीन लोक आले. त्यांनी नवरीची कार थांबवली आणि नवरीवर गोळी झाडली. नवरी रक्ताच्या थारोळ्यात कारमधेच पडली. तिला लगेच हॉस्पिटलमध्ये दाखल करण्यात आलं.

असं सांगितलं जात आहे की, हे कृत्य नवरीचा पूर्वाश्रमीचा प्रियकर आणि त्याच्या मित्रांनी केलं. पोलिसांनी गुन्हा दाखल करत आरोपींचा शोध सुरू केला आहे. चौकशी दरम्यान पोलिसांनी असंही समजलं की, हल्लेखोर सांपलापासूनच नवरीच्या कारचा पाठलाग कत होते. नवरी जशी आपल्या सासरच्या गावाबाहेर पोहोचली त्यांनी तिच्यावर गोळ्या झाडल्या. या घटनेमुळे गावात भीतीचं वातावरण पसरलं आहे.