Grandfather Rapes Six Year Old Girl : संतापजनक! ६ वर्षीय नातीचा आजोबांकडून बलात्कार; ३ वर्षीय नातवाला  २० रूपये देऊन बसवलं गप्प

Grandfather Rapes Six Year Old Girl : थोड्या वेळाने मुलीचे आजोबा पण तिथे आले आणि त्यांनीही तिच्यावर लैंगिक अत्याचार केले.

(Image Credit- Reuters)

मध्यप्रदेशातील (Madhya Pradesh) भोपाळमध्ये माणुसकीला काळीमा फासणारी घटना घडली आहे. याठिकाणी एका माणसानं आपल्या मित्रासह स्वतःच्या ६ वर्षांच्या नातीचा (Grandfather Rapes Six Year Old Girl)  बलात्कार केला आहे. इतकंच नाही तर ३ वर्षीय नातवाला २० रूपयाचं देऊन गप्प बसवलं आहे.

हा धक्कादायक प्रकार समोर आल्यानंतर सर्वत्र खळबळ  पसरली आहे. भोपाळच्या कोलार पोलिस स्टेशन भागात जवळपास 8 दिवस आधी ही घटना घडली. परंतु हे गुरुवारी रोजी उघडकीस आले. तेव्हा समुपदेशकाने या दोन्ही मुलांशी चर्चा केली. कोलार पोलिस ठाण्याचे निरीक्षक यांनी या प्रकाराबाबत संपूर्ण माहिती दिली आहे. 

त्या दिवशी नेमकं काय झालं होतं.

पोलिस निरीक्षक म्हणाले की,'' प्राथमिक तपासणी दरम्यान दिसून आलं की संजय नावाच्या व्यक्तीने दोन्ही मुलांना आपल्या घरी नेले आणि तेथेच मुलावर बलात्कार केला. थोड्या वेळाने मुलीचे आजोबा पण तिथे आले आणि त्यांनीही तिच्यावर लैंगिक अत्याचार केले. ही घटना कोणत्या दिवशी घडली, नक्की काय काय झालं याबाबत काहीही सांगण्याची मुलांची मनस्थिती नव्हती. आरोपींनी मुलांना 20 रुपये दिले आणि त्यांचे तोंड बंद ठेवण्यास सांगितले. याविषयी कोणालाही सांगू नका, असेही आजोबांनी या दोन्ही मुलांकडून बजावून घेतले. '' 

हृदयद्रावक! पोलीस अधिकारी असलेल्या मुलाचा मृतदेह पाहून आईने सोडला प्राण 

पोलिसांनी दोन्ही आरोपींविरूद्ध भारतीय दंड संहिता आणि लैंगिक अत्याचार प्रतिबंधक , प्रिवेंशन ऑफ चिल्ड्रन फ्रॉम सेक्सुअल ऑफेंस एक्ट (Protection of Children from Sexual Offences Act) कायद्यान्वये  गुन्हा दाखल केला आहे. हा गुन्हा खूप गंभीर असून आरोपींवर कठोर कारवाई केली जात असल्याचे पोलिसांचे म्हणणे आहे.   नोकरीवरून काढलं; म्हणून त्यानं वचपा काढण्यासाठी सुपरमार्केटवर चालवली कार