मैत्रिणीवरील विश्वास नडला; प्लॅन बनवून अल्पवयीन मुलीवर सामूहिक बलात्कार घडवून आणला

By ऑनलाइन लोकमत | Published: June 22, 2020 07:09 PM2020-06-22T19:09:54+5:302020-06-22T19:15:22+5:30

बलात्कार आणि त्यांना मदत केल्याच्या आरोपाखाली सहा आरोपींना पोलिसांनी अटक केली आहे. तर तीन आरोपी फरार आहेत.

Friend has Planned and gang-raped a minor girl in madhya pradesh | मैत्रिणीवरील विश्वास नडला; प्लॅन बनवून अल्पवयीन मुलीवर सामूहिक बलात्कार घडवून आणला — मैत्रिणीवरील विश्वास नडला; प्लॅन बनवून अल्पवयीन मुलीवर सामूहिक बलात्कार घडवून आणला

ठळक मुद्देपीडित मुलगी मध्य प्रदेशातील रतलाम जिल्ह्यातील असून ती देवास येथील मावशीच्या घरी राहून शिक्षण घेत आहे.अटक करण्यात आलेल्या आरोपींमध्ये अमन, नितेश, लोकेश लाल (३५) आणि तीन अल्पवयीन मुलींचा समावेश असून पीडित मुलीची अल्पवयीन मैत्रीण आणि दोन हॉटेल कामगार यांचा समावेश आहे.

मध्य प्रदेशातील देवास जिल्ह्यात एका १३ वर्षाच्या अल्पवयीन मुलीचे अपहरण करून सामूहिक बलात्कार केल्याचा धक्कादायक प्रकार समोर आला आहे. या प्रकरणात पीडित मुलीच्या अल्पवयीन मैत्रिणीने आरोपींना मदत केली. बलात्कार आणि आरोपींना मदत केल्याच्या आरोपाखाली सहा आरोपींना पोलिसांनी अटक केली आहे. तर तीन आरोपी फरार आहेत.

देवास जिल्ह्याचे पोलीस अधीक्षक कृष्णा वेणी देसावती यांनी रविवारी माहिती दिली की, एका १३ वर्षाच्या मुलीवर सामूहिक बलात्काराच्या प्रकरणात आरोपींना मदत करणार्‍या अल्पवयीन मुलीसह सहा आरोपींना रविवारी अटक करण्यात आली. अन्य तीन आरोपी अद्याप फरार आहेत, त्यांचा शोध सुरू आहे. पुढे ते म्हणाले की, पीडित मुलीचे आरोपींनी तिच्या अल्पवयीन मैत्रिणीच्या मदतीने १५ जूनला देवास रेल्वे स्थानकातून अपहरण केले होते. १६ जून रोजी पीडित मुलीच्या वडिलांनी कोतवाली देवास पोलीस ठाण्यात तक्रार दाखल केली होती. पीडित मुलगी मध्य प्रदेशातील रतलाम जिल्ह्यातील असून ती देवास येथे मावशीच्या घरी राहून शिक्षण घेत आहे. त्यांनी पुढे सांगितले की, मैत्रिण तिला तिच्या अ‍ॅक्टिव्हावर बसवून देवास रेल्वे स्टेशनहून शहरातील हॉटेलमध्ये घेऊन गेली आणि हॉटेलच्या रिसेप्शनिस्टने विना ओळखपत्र रूम बुक केली, तिथे आरोपी रोहित खटीक (२३), अजय खटीक ( २०) आणि विशाल गोस्वामीने तिच्यावर सामूहिक बलात्कार केला.

आरोपींनी नंतर पीडित मुलीला त्याच्या इतर दोन साथीदार अमन खटीक (१८) आणि नितेश तिवारी (१९) यांच्याकडे दिले. या दोघांनीही पीडित मुलीवर बलात्कार करून तिला चित्तोडगढ़ आणि राजस्थानच्या जयपूर येथे आणले. नंतर जयपूर गुन्हे शाखेच्या पोलिसांच्या मदतीने हे दोन्ही आरोपी आणि पीडित मुलगी ताब्यात घेण्यात आले. या प्रकरणातील आरोपींविरोधात भा. दं. वि. कलम ३७६, ३६८ आणि पॉक्सो कायदा तसेच अनुसूचित जाती व जमाती कायद्यान्वये गुन्हा नोंदवून सखोल चौकशी सुरू आहे. अटक करण्यात आलेल्या आरोपींमध्ये अमन, नितेश, लोकेश लाल (३५) आणि तीन अल्पवयीन मुलांचा समावेश आहे. पीडित मुलीची अल्पवयीन मैत्रीण आणि दोन हॉटेल कामगार यांचा देखील समावेश आहे. तसेच आरोपी रोहित, अजय आणि विशाल फरार आहेत. त्यांचा शोध सुरू आहे. या आरोपींना अटक करण्यासाठी पोलीस अधीक्षक देवासद्वारे पोलीस पथकाला दहा हजार रुपयांचे बक्षीस जाहीर केले आहे. अशी माहिती अमर उजालाला देण्यात आली आहे.

अन्य महत्वाच्या बातम्या...