Crime News: वाढदिवसानिमित्त तरुणीला घरी बोलावून बलात्कार केला, नंतर अश्लिल व्हिडीओ बनवून...

Crime News: एका तरुणीने तिच्याच मित्रावर बलात्काराचा आरोप केला आहे. या प्रकरणी तरुणीने दिलेल्या तक्रारीवरून पोलिसांनी गुन्हा नोंद करून घेत आरोपी तरुणाला अटक केली आहे.

जयपूर - राजस्थानमधील उदयपूर शहरातील सुखेर ठाणे क्षेत्रातील एका तरुणीने तिच्याच मित्रावर बलात्काराचा आरोप केला आहे. या प्रकरणी तरुणीने दिलेल्या तक्रारीवरून पोलिसांनी गुन्हा नोंद करून घेत आरोपी तरुणाला अटक केली आहे. सदर तरुणाने आपल्याला वाढदिवसाचे निमित्त करून घरी बोलावले. त्यानंतर बलात्कार करून अश्लिल फोटो आणि व्हिडीओ व्हायरल केले गेले, असा आरोप सदर तरुणीने केला आहे. दरम्यान, सध्या आरोपी तरुण कोठडीत आहे. (A young woman was called home on her birthday and raped, then made a pornographic video)

पीडित तरुणीने सांगितले की, तिची विनोद नावाच्या एका तरुणासोबत ओळख होती. एप्रिल महिन्यामध्ये सदर तरुणी विनोदच्या वाढदिवसालाही केली होते. तिथे त्याने तिची ओळख कपिल नागदा नावाच्या तरुणासोबत करवून दिली. त्यानंतर कपिल हा नियमितपणे तिच्या संपर्कात होता. काही दिवसांनंतर त्याने तिला वाढदिवसाचे निमित्त सांगून पार्टीसाठी उदयपूरला बोलावले. सदर तरुणी वाढदिवसाच्या पार्टीमध्ये सहभागी होण्यासाठी उदयपूरमध्ये आली. तिथे कपिल तिला एका रेस्टॉरंटमध्ये घेऊन गेला. तरुणीचा आरोप आहे की, कपिलने तिला गुंगीचे औषध पाजले. त्यानंतर हायवेजवळील एका हॉटेलमध्ये नेऊन तिच्यावर बलात्कार केला. तसेच आरोपींनी तिचे अश्लिल व्हिडीओ आणि फोटो काढले.

सदर युवतीच्या जुन्या ओळखीमधील विनोदने कपिलच्या मोबाईलमधून हे अश्लिल फोटो आणि व्हिडीओंचे स्क्रिनशॉट घेतले. युवतीने सांगितले की, कपिल नागदा आणि विनोदमध्ये वाद झाला. त्यानंतर विनोदने तिचे अश्लिल फोटो आणि व्हिडीओ व्हायरल केले. हे फोटो आणि व्हिडीओ सदर तरुणी्च्या नातेवाईकांपर्यंत पोहोचले. त्यानंतर सदर तरुणीने सुखेर पोलीस ठाण्यामध्ये तक्रार दाखल केली. त्या तक्रारीवरून पोलिसांनी कपिल नागदा याला अटक केली आहे. तसेच विनोदचा शोध सुरू आहे.