Crime News: वायर चोरण्यासाठी आला आणि जीव गमावून बसला, इमारतीच्या आठव्या मजल्यावरून पडून चोराचा मृत्यू

By ऑनलाइन लोकमत | Published: May 17, 2022 07:30 PM2022-05-17T19:30:18+5:302022-05-17T19:30:55+5:30

Crime News: डोंबिवली येथील पुर्वेकडील खंबाळपाडा परिसरातील केडीएमसीच्या बीएसयूपी प्रकल्पाच्या इमारतीत वायर चोरण्यासाठी आलेल्या दोघा चोरटयांपैकी एक चोरटयाचा पळताना आठव्या मजल्यावरून खाली पडल्याने मृत्यू झाल्याची घटना सोमवारी मध्यरात्री घडली.

Crime News: Wire came to steal and lost his life, the thief died after falling from the eighth floor of the building | Crime News: वायर चोरण्यासाठी आला आणि जीव गमावून बसला, इमारतीच्या आठव्या मजल्यावरून पडून चोराचा मृत्यू

Crime News: वायर चोरण्यासाठी आला आणि जीव गमावून बसला, इमारतीच्या आठव्या मजल्यावरून पडून चोराचा मृत्यू

Next

डोंबिवली -  येथील पुर्वेकडील खंबाळपाडा परिसरातील केडीएमसीच्या बीएसयूपी प्रकल्पाच्या इमारतीत वायर चोरण्यासाठी आलेल्या दोघा चोरटयांपैकी एक चोरटयाचा पळताना आठव्या मजल्यावरून खाली पडल्याने मृत्यू झाल्याची घटना सोमवारी मध्यरात्री घडली. मोहम्मद सलिम भाटकर (वय 24) असे मृत चोरटयाचे नाव असून तो चोरीच्या गुन्हयात सराईत होता. त्याचा सहकारी अरफान पिंजारी हा जखमी झाला असून त्याच्यावर मनपाच्या शास्त्रीनगर रूग्णालयात उपचार सुरू आहेत. या घटनेची नोंद टिळकनगर पोलिस ठाण्यात करण्यात आली आहे.

केडीएमसीच्या वतीने बीएसयुपी योजनेंतर्गत शहरी गरिबांसाठी घरकुले उभारण्यात आली आहेत. परंतू बहुतांश ठिकाणी घरकुलांचा ताबा लाभार्थ्यांना न मिळाल्याने खंबाळपाडा, इंदिरानगर भागातील इमारती सध्या भग्नावस्थेत आहेत. गेल्या काही दिवसांपासून या इमारतींना चोरटयांनी लक्ष केले आहे.

दरवाजे, ग्रील, लिफ्टचे सामान चोरीला गेल्याच्या घटना आधी घडल्या आहेत. दरम्यान खंबाळपाडा इमारतीमधील बिल्डिंग नंबर चारच्या आठव्या मजल्यावर इलेक्ट्रिक वायर चोरी करण्यासाठी अरफान आणि मोहम्मद हे दोघे चोरटे सोमवारी मध्यरात्री आले होते. इमारतीमध्ये चोर शिरल्याचे वॉचमनच्या लक्षात येताच तो त्यांच्या पाठिमागे गेला. वॉचमनमुळे आपण पकडले जावू या भितीने दोघांनी इमारतीच्या ड्रेनेज पाईपलाईनवरून खाली उतरण्याचा प्रयत्न केला. यात हात निसटल्याने मोहम्मद आणि अरफान आठव्या मजल्यावरून खाली कोसळले. यात मोहम्मदच्या डोक्याला गंभीर दुखापत झाल्याने त्याचा जागीच मृत्यू झाला. तर अरफान गंभीर जखमी झाला आहे.

Web Title: Crime News: Wire came to steal and lost his life, the thief died after falling from the eighth floor of the building

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.