नात्याला काळीमा! बहीण घराबाहेर पडत असल्याने संतप्त भावाने कात्रीने वार करून केला जीवघेणा हल्ला

Crime News : संतप्त झालेल्या भावाने थेट बहिणीवर कात्रीने जीवघेणा हल्ला केल्याची भयंकर घटना घडली आहे.

नवी दिल्ली - छत्तीसगडच्या कोरबामध्ये बहीण भावाच्या नात्याला काळीमा फासणारी एक घटना समोर आली आहे. बहिणीने घराबाहेर पडण्यावरून झालेला वाद टोकाला गेला आहे. संतप्त झालेल्या भावाने थेट बहिणीवर कात्रीने जीवघेणा हल्ला केल्याची भयंकर घटना घडली आहे. बहिणीने घराबाहेर पडणं मान्य नसलेल्या भावाने तिच्यावर हल्ला केल्याची माहिती मिळत आहे. यामध्ये बहीण गंभीररित्या जखमी झाली आहे. मुलाविरोधात पोलिसांत तक्रार दाखल करण्यात आली असून पोलीस याचा अधिक तपास करत आहेत. 

मिळालेल्या माहितीनुसार, करतळा पोलीस ठाण्याच्या हद्दीतील बेहरचुंआ गावात ही धक्कादायक घटना घडली आहे. कुटुंबातील भावाबहिणीमध्ये सतत वाद होत होते. आपल्या बहिणीने सतत घराबाहेर पडणं भावाला मान्य नव्हतं. त्यावरून तो अनेकदा तिला जाब विचारत असे आणि तिच्या बाहेर पडण्यावर आक्षेप घेत असे. याच दरम्यान एकदा बहीण आपल्या घरामध्ये शिवणकाम करत असताना अचानक भाऊ तिथे आला आणि पुन्हा त्याच मुद्द्यावरून वाद घालू लागला. दोघांमधील वाद विकोपाला गेला. 

लुटेरी दुल्हन! लग्नानंतर दागिने, पैसे घेऊन नवरी पळाली; सासरच्यांच्या पायाखालची जमीनच सरकलीhttps://t.co/aPibZ44AmL

— Lokmat (@MiLOKMAT) September 26, 2021

भावाने तिथली कात्री घेऊन बहिणीवर वार केले. तिच्या चेहऱ्यावर, कानावर आणि कंबरेवरही वार केले. यात बहीण गंभीर जखमी झाली. कुटुंबातील इतर सदस्यांनी तिला तातडीने उपचारांसाठी जवळच्या रुग्णालयामध्ये दाखल केलं आहे. बहिणीवर वार करणाऱ्या तरुणावर त्याच्याच वडिलांनी अखेर गुन्हा दाखल केला. आपला मुलगा मनोरुग्ण असल्याचं वडिलांनी पोलिसांना सांगितलं. तरुणीवर सध्या मेडिकल कॉलेजच्या रुग्णालयात उपचार सुरू असल्याचं म्हटलं आहे. एका हिंदी वेबसाईटने याबाबतचे वृत्त दिले आहे. 

"एक लाख दे नाहीतर व्हिडीओ व्हायरल करू"; महिला कॉन्स्टेबलला फेसबुकवरील मैत्री पडली महागातhttps://t.co/uuQRIKrHdy

— Lokmat (@MiLOKMAT) September 26, 2021

भयंकर! महिला कॉन्स्टेबलवर सामूहिक बलात्कार; व्हिडीओ रेकॉर्ड करून दिली जीवे मारण्याची धमकी

मध्य प्रदेशच्या नीमच जिल्ह्यात माणुसकीला काळीमा फासणारी एक घटना समोर आली आहे. एका महिला कॉन्स्टेबलवर सामूहिक बलात्कार झाल्याची भयंकर घटना समोर आली आहे. धक्कादायक बाब म्हणजे आरोपीने महिलेचे काही व्हिडीओ रेकॉर्ड करून जीवे मारण्याची धमकीही दिली. महिला क़ॉन्स्टेबलने पाच जणांनी आपल्यावर सामूहिक बलात्कार केल्याचं म्हटलं आहे. या प्रकरणी पोलिसांत तक्रार दाखल करण्यात आली असून दोन आरोपींना पकडण्यात पोलिसांना यश आलं आहे. पीडित महिला कॉन्स्टेबल या नीमचच्या रहिवासी आहेत. सध्या त्या इंदूरमध्ये कार्यरत आहेत. पोलीस या प्रकरणाचा अधिक तपास करत आहेत. 

भयंकर! जमावाने अल्पवयीन मुलावर घेतला मोबाईल चोरीचा आळ अन्...https://t.co/4St0lgjwoB

— Lokmat (@MiLOKMAT) September 25, 2021