भयंकर! प्रेमात धोका मिळाल्याने प्रेयसीने काटा काढला; साखरपुड्याच्या दिवशी प्रियकराचा गळा चिरला 

Crime News : प्रेयसीने आपला भाऊ आणि त्याच्या दोन मित्रांच्या मदतीनं साखरपुड्याच्याच दिवशीच प्रियकराची गळा चिरून हत्या केली आहे.

नवी दिल्ली - प्रेमात धोका मिळाल्याने एका प्रेयसीने टोकाचं पाऊल उचललं आहे. थेट प्रियकराचाच काटा काढला आहे. प्रियकराचं लग्न ठरल्यामुळे नाराज झालेल्या महिलेने त्याची हत्या केल्याची भयंकर घटना समोर आली आहे. याप्रकरणी पोलिसांनी आरोपी महिलेला अटक केली असून याचा अधिक तपास सुरू आहे. प्रेयसीने आपला भाऊ आणि त्याच्या दोन मित्रांच्या मदतीनं साखरपुड्याच्याच दिवशीच प्रियकराची गळा चिरून हत्या केली आहे. यानंतर महिलेने प्रियकराचा मृतदेह एका नाल्यात फेकून दिला होता. पण मृतदेह तरंगत बाहेर आल्यानंतर हे प्रकरण उघडकीस आलं आहे. 

मिळालेल्या माहितीनुसार, उत्तर प्रदेशातील प्रतापगड येथील सांगीपूर पोलीस ठाण्याच्या हद्दीतील एका गावचा रहिवासी असणाऱ्या राजेंद्र वर्मा याचं मागील काही दिवसांपासून रामनगर भोजपूर येथील सोना देवी नावाच्या विवाहित महिलेसोबत प्रेमसंबंध सुरू होते. पण काही दिवसांपूर्वी राजेंद्रचं लग्न ठरलं होतं. त्याचा साखरपुडाही होणार होता. पण आपल्या प्रियकराचं लग्न होतंय हे समजल्यावर सोना देवी राजेंद्रवर अत्यंत नाराज झाली होती. प्रेमात धोका मिळाल्याने तिने आपला भाऊ आणि त्याच्या दोन साथीदारांच्या मदतीनं राजेंद्रच्या हत्येचा कट रचला.

प्रियकराचं लग्न ठरल्याने नाराज प्रेयसीने टोकाचं पाऊल उचललं

साखरपुडा आणि लग्न याची तयारी करण्यासाठी राजेंद्र आपल्या घरी जाण्यासाठी निघाला होता. तो ज्यावेळी निघाला तेव्ही सोना देवीने त्याला भेटण्यासाठी बोलावलं. आरोपींनी राजेंद्र याला लखनऊ येथून आपल्या चारचाकी गाडीत बसवलं होतं. सोना देवीचा भाऊ आणि त्याचे अन्य दोन मित्र या गाडीत आधीपासूनच बसले होते. गाडीत बसून काही अंतर जाईपर्यंत सर्व काही ठिक होतं. पण काही अंतर दूर गेल्यानंतर प्रेयसी सोना देवी, तिचा भाऊ आणि अन्य दोन साथीदारांनी राजेंद्रची गळा चिरून हत्या केली.

सैराटची पुनरावृत्ती! बहिणीच्या प्रेमप्रकरणाची माहिती मिळताच संतापलेल्या भावाने उचललं टोकाचं पाऊलhttps://t.co/SBc6OoLt6y

— Lokmat (@MiLOKMAT) September 12, 2021

प्रेमात धोका मिळाल्याने 'त्यालाच' संपवलं

आरोपींनी त्यानंतर एका नाल्यात राजेंद्रचा मृतदेह टाकून घटनास्थळावरून पळ काढला. घटनेच्या तीन दिवसांनी राजेंद्र याचा मृतदेह नाल्यात आढळला. याप्रकरणी पोलिसांनी अधिक तपास केला असता सोना देवीबाबत माहिती मिळाली. तिला अटक करण्यात आली. तिने प्रेमात धोका मिळाल्याने आपणच हत्या केल्याची कबुली दिली आहे. तसेच तिच्या साथीदारांना देखील अटक करण्यात आली आहे. या घटनेने परिसरात एकच खळबळ उडाली असून पोलीस अधिक तपास करत आहेत. 

बापरे! बारावी पास तरुणाने डॉक्टरला जाळ्यात ओढलं अन् तब्बल 2 कोटींना लुटलं; अशी झाली पोलखोल#Doctor#Honeytraphttps://t.co/xxxmh8G7Vq

— Lokmat (@MiLOKMAT) September 8, 2021