कोरोनाबाधित मृत शिक्षकाच्या खिशातील रोकड लांबविणाऱ्या ५ वॉर्डबॉयविरुध्द गुन्हा

Crime News : पाच वॉर्डबॉय विरोधात भादंवि कलम ४०४, ३४ प्रमाणे गुन्ह्याची नोंद करण्यात आली़ तपास सहायक पोलीस निरीक्षक चंद्रकांत पाटील घटनेचा तपास करीत आहेत. 

ठळक मुद्देमयत शिक्षकाचे मित्र दीपक रमेश पाटील यांनी देवपूर पोलीस स्टेशनला फिर्याद दाखल केली़ फिर्यादीनुसार पोलिसांनी सीसीटीव्ही फुटेज तपासून रुग्णालयातील पाच वॉर्डबॉय विरोधात गुन्हा दाखल करण्यात आला आहे़.

धुळे : येथील वाडीभोकर रोडवरील खासगी श्री गणेशा हॉस्पीटलमध्ये  शिरपूर येथील शिक्षक धनराज माळी यांना कोरोनाबाधीत झाल्यामुळे दाखल करण्यात आले होते़ त्यांचा मृत्यू झाल्यानंतर त्यांच्या खिशातून रोख रक्कम काढून घेण्याचा प्रकार शुक्रवारी घडला होता़ त्यानंतर आज दिवसभर सोशल मिडीयावर रुग्णालयातील सीसीटीव्ही फुटेजचे व्हिडीओ व्हायरल झाले होते़ शनिवारी  सायंकाळी सात वाजेच्या सुमारास मयत शिक्षकाचे मित्र दीपक रमेश पाटील यांनी देवपूर पोलीस स्टेशनला फिर्याद दाखल केली़ फिर्यादीनुसार पोलिसांनी सीसीटीव्ही फुटेज तपासून रुग्णालयातील पाच वॉर्डबॉय विरोधात गुन्हा दाखल करण्यात आला आहे़.

कोरोना महामारीत सर्वत्र हाहाकार माजत असताना काहीजण मदतीसाठी सर्वस्व अर्पण करत आहेत तर काही संधीच सोन म्हणून मिळेल ते घेण्यासाठी माणुसकीची लक्तरे वेशीवर टांगत आहे. असाच प्रकार शहरातील वाडीभोकर रोडवरील श्री गणेशा रुग्णालयात घडला़ शुक्रवारी रुग्णालयात दाखल शिरपूर येथील शिक्षक धनराज माळी यांचा कोरोनामुळे मृत्यू झाला़ मृतदेह ताब्यात घेत असताना नातेवाईकांनी मयताचे खिसे तपासले असता त्यात त्यांनी सोबत आणलेले पैसे आढळून आले नाही़ तेव्हा रुग्णालयातील कर्मचाºयांची विचारपूस केली असता उडवा उडवीची उत्तरे मिळाल्याने काहीसा तणाव निर्माण झाला होता़ तेव्हा नातेवाईकांनी रुग्णालयातील सीसीटीव्ही फुटेजची तपासणी केली़ त्यात  रुग्णालयात कार्यरत कर्मचारी मयताच्या खिशातील रोकड व आभूषणे काढत असल्याचे दिसून आले़ ही महिती नातेवाईकांनी रुग्णालय प्रशासनाला दिली असता त्यांनी घडलेला प्रकार झाकण्याचा प्रयत्न केला असा आरोप मयताच्या नातेवाईकांनी केला. त्यानंतर नातेवाईक मयताचे मृतदेह घेवून शिरपूरला रवाना झाले़  शनिवारी यासंदर्भात रुग्णालयातील सीसीटीव्ही फुटेज सोशल मिडीयावर व्हायरल झाले़ सायंकाळी मयत धनराज माळी यांचे मित्र दीपक रमेश पाटील यांनी फिर्याद दाखल केली़ त्यानुसार पाच वॉर्डबॉय विरोधात भादंवि कलम ४०४, ३४ प्रमाणे गुन्ह्याची नोंद करण्यात आली़ तपास सहायक पोलीस निरीक्षक चंद्रकांत पाटील घटनेचा तपास करीत आहेत. 

Video : माणुसकीला काळिमा! मढ्याच्या टाळूवरचे लोणी खाल्ले; मृत कोरोना रूग्णाच्या खिशातील ३५ हजार रूपये काढून घेतले

देवपुरातील श्री गणेशा रुग्णालयात हा प्रकार घडला आहे़ दाखल तक्रारीनुसार गुन्ह्याची नोंद करण्यात आली़ रुग्णालयातील सीसीटीव्ही फुटेज तपासण्यात येईल़ त्यानुसार, त्यात दिसणारे पाच वॉर्डबॉय यांना चौकशीसाठी बोलाविण्यात येईल़ सध्या कोरोना काळ सुरु असल्यामुळे त्यांना तुर्त बोलाविण्यात येणार नाही़. - चंद्रकांत पाटील, सहायक पोलीस निरीक्षक, देवपूर पोलीस स्टेशन