सासरच्यांना बेशुद्ध करून फरार झाली नवरी, पोलिसांनी पकडल्यावर समजलं ती तर आहे पाच मुलांची आई 

By ऑनलाइन लोकमत | Published: October 19, 2021 01:43 PM2021-10-19T13:43:35+5:302021-10-19T13:43:43+5:30

crime News: उदयपूरवाटी भागामध्ये दहा दिवसांपूर्वी बिहारमधून लग्न करून आणलेल्या एका नववधूने रचलेले धक्कादायक कारस्थान उघडकीस आले आहे. या नववधूने पतीसह सासरच्या मंडळीला बेशुद्ध करून घरातून पसार झाली.

The bride fled after knocking the family unconscious | सासरच्यांना बेशुद्ध करून फरार झाली नवरी, पोलिसांनी पकडल्यावर समजलं ती तर आहे पाच मुलांची आई 

सासरच्यांना बेशुद्ध करून फरार झाली नवरी, पोलिसांनी पकडल्यावर समजलं ती तर आहे पाच मुलांची आई 

Next

जयपूर - उदयपूरवाटी भागामध्ये दहा दिवसांपूर्वी बिहारमधून लग्न करून आणलेल्या एका नववधूने रचलेले धक्कादायक कारस्थान उघडकीस आले आहे. या नववधूने पतीसह सासरच्या मंडळीला बेशुद्ध करून घरातून पसार झाली. मात्र शेजाऱ्यांच्या सतर्कतेमुळे ती तिच्या दोन सहकाऱ्यांसाठी पकडली गेली. या तिघांनाही पोलिसांच्या ताब्यात देण्यात आले. त्यानंतर करण्यात आलेल्या चौकशीमध्ये ही महिला पाच मुलांची आई असल्याचे उघडकीस आले आहे. मात्र पीडित कुटुंबाने या संदर्भात कुठलीही तक्रार दिलेली नाही. मात्र पोलीस या संपूर्ण प्रकरणाची चौकशी करत आहेत.

मिळालेल्या माहितीनुसार उदयपूरवाटीच्या भाटावाला येथे वास्तव्यास असलेल्या मुकेश सैनी याचे लग्न ठरत नव्हते. त्यामुळे त्याच्या मोठ्या भावाच्या नातेवाईकांनी त्याला बिहारमधून एक स्थळ आणले. त्यानंतर छपरा जिल्ह्यातील एका गावात ते पोहोचले तिथे अनिता नावाच्या तरुणीच्या नातेवाईकांकडून मुकेश कडून दोन वेळा प्रत्येकी दीड लाख रुपये घेतले. त्यानंतर लग्न करून अनिताची मुकेशसोबत पाठवणी केली.

दरम्यान, रविवारी रात्री उशिरा मुकेश आणि त्याच्या कुटुंबातील सदस्य बेशुद्धावस्थेत घरात पडल्याची माहिती पोलिसांना मिळाली. त्यानंतर पोलिसांनी घटनास्थळी धाव घेत सर्वांना रुग्णालयात दाखल केले. दरम्यान, प्रकृती गंभीर असल्याने सर्वांना जयपूर येथील रुग्णालयात दाखल करण्यात आले आहे.

दरम्यान, घरच्यांना बेशुद्ध करून पसार झालेल्या नववधूचा पोलिसांनी शोध सुरू केला तेव्हा ही महिला पेट्रोलपंपजवळ सापडली. चौकशीमध्ये ही २५ वर्षीय महिला कधी तिचं नाव कविता, तर कधी अनिता असल्याचे सांगत होती. लग्न करण्यासाठी विकत घेऊन तिला दहा दिवसांपूर्वी इथे आणल्याचे सांगण्यात आले. दरम्यान, पती व्यसनी असल्याने तसेच मारहाण करत असल्याने घरातून पळ काढल्याचा दावा तिने केला. दरम्यान, पीडित कुटुंबाने याबाबत अद्याप तक्रार दिलेली नाही.  

Web Title: The bride fled after knocking the family unconscious

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.