नव्या नवरीला घेऊन 'प्रेयसी'च्या घरी गेला प्रियकर, वाचा पुढे काय झालं...

Punjab : आरोपी प्रियकराने या घटनेचा व्हिडीओही बनवला जो घटनेच्या ७ दिवसांनंतर व्हायरल झाला. व्हिडीओ व्हायरल होताच पोलिसांनी हालचाल करत चौकशी सुरू केली.

Punjab : पंजाबच्या भटिंडामधून एक फार विचित्र घटना समोर आली आहे. इथे एक प्रियकर त्याच्या नव्या नवरीला घेऊन आपल्या पूर्व प्रेयसीच्या घरी गेला. तेव्हा 'प्रेयसी'च्या १२ वर्षाच्या मुलीने नवरीला स्पर्श करण्याचा प्रयत्न केला तर प्रियकर भडकला. त्याने मुलाचे कपडे काढून त्याला बेदम मारहाण केली. अशात 'प्रेयसी'ने जेव्हा मुलाला वाचवण्याचा प्रयत्न केला तेव्हा त्याने तिलाही मारहाण केली.

आरोपी प्रियकराने या घटनेचा व्हिडीओही बनवला जो घटनेच्या ७ दिवसांनंतर व्हायरल झाला. व्हिडीओ व्हायरल होताच पोलिसांनी हालचाल करत चौकशी सुरू केली. पोलिसांनी आरोपी अर्शदीप सिंह याची चौकशी केली तेव्हा त्याने हे घरातील प्रकरण असल्याचं सांगितलं आणि पोलिसांना यात न पडण्यास सांगितलं.

असं सांगितलं जात आहे की, दोन मुलांच्या आईचं आऱोपी अर्शदीप सिंहसोबत एक्स्ट्रा मॅरिटल अफेअर होतं. काही महिन्यांआधीच अर्शदीपचं लग्न झालं. एक दिवस तो त्याच्या नवरीला घेऊन 'प्रेयसी'च्या घरी आला. तिथे प्रेयसीच्या १२ वर्षाच्या मुलाने चुकून नवरीला हात लावला. ज्यानंतर अर्शदीपने रागाच्या भरात मुलाला मारहाण केली. 

व्हिडीओ व्हायरल झाल्यानंतर पोलिसांनी कारवाई सुरू केली तेव्हा मुलाचं मेडिकल करण्यात आलं. घटनेच्या सात दिवसांनंतरही त्यांच्या शरीरावर जखमांचे निशाण स्पष्टपणे दिसत आहेत. सध्या मुलाच्या मेडिकल रिपोर्टची वाट बघितली जात आहे. हा रिपोर्ट आल्यावर पोलीस पुढील कारवाई करतील.