Gauhar Khan : कोरोना नियमांचे उल्लंघन करणं अभिनेत्री गौहर खानला पडलं महागात; FIR दाखल 

BMC files FIR against Bollywood actor for violating corona rules : ट्विटमध्ये बीएमसीने अभिनेत्रीचे नाव जाहीर केले नाही.

ठळक मुद्दे अभिनेत्री गौहर खानविरोधात हा एफआयआर नोंदविण्यात आला आहे.

बीएमसीने ट्विटर हँडलवरून एक ट्विट केलं आहे. ज्यात एका बॉलिवूड अभिनेत्रीविरोधात एफआयआर दाखल केल्याचं सांगण्यात आलं आहे. ट्विटनुसार या अभिनेत्रीवर असा आरोप आहे की, कोरोनाची लागण असूनही ती नियमांचे उल्लंघन करत बाहेर फिरत आहे. ट्विटमध्ये बीएमसीने अभिनेत्रीचे नाव जाहीर केले नाही.


बीएमसीचे अधिकारी अभिनेत्रीच्या घरी पोहोचले

त्याचबरोबर बॉलिवूडच्या सूत्रांनी दिलेल्या माहितीनुसार, अभिनेत्री गौहर खानविरोधात हा एफआयआर नोंदविण्यात आला आहे. असं सांगितलं जात आहे की, गौहरवर आरोप आहे की, तिला कोरोनाची लागण झाली आहे आणि नियमांचे पालन न केल्यामुळे चित्रपटाचे शूटिंग करण्यात आले आहे. जेव्हा बीएमसीचे अधिकारी गौहर खानच्या घरी तपासणीसाठी पोहोचले तेव्हा ती तेथे सापडली नाही.


त्याचवेळी, एबीपी न्यूजने त्यांच्याशी संपर्क साधण्याचा प्रयत्न केला असता तिच्याकडून कोणताही प्रतिसाद मिळाला नाही. बीएमसीने या ट्विटमध्ये एफआयआरची एक प्रतही शेअर केली आहे, परंतु त्यामध्ये तिचे नाव ब्लर करण्यात आले आहे. बीएमसी हे नाव उघड करू इच्छित नाही. 

त्याचवेळी, मुंबई पोलिसांचे प्रवक्ते एस. चैतन्य यांनी सांगितले की, गौहर खान Gauhar Khan यांच्याविरुध्द ओशिवार पोलिस ठाण्यात भादंवि कलम 188, 269, 270, 51  अन्वये एफआयआर दाखल करण्यात आला आहे. ते म्हणाले, गौहर खानला कोरोनाची लागण झाल्याचे समजले गेले आहे आणि ती नियमांचे उल्लंघन करत घराबाहेर चित्रपटाचे चित्रीकरण करत आहे.


 यापूर्वी गौहरच्या वडिलांचे निधन झाले

अलीकडेच अभिनेत्री गौहर खान हिच्यावर आज दु:खाचा डोंगर कोसळला. दीर्घकाळापासून आजारी असलेलय तिच्या वडिलांचे मार्च महिन्यात निधन झाले.जफर अहमद खान असं गौहर खानच्या वडिलांचे नाव आहे. गेल्या गौहरचे वडील अनेक दिवसांपासून रूग्णालयात भरती होते. 

 

No Compromise On City’s Safety!

BMC has filed an FIR against a Bollywood actor for non-compliance to COVID19 guidelines on testing positive.

The rules apply to all alike and we urge citizens to follow all guidelines and help the city beat the virus.#NaToCoronapic.twitter.com/Qp9J21OLcS

— माझी Mumbai, आपली BMC (@mybmc) March 15, 2021

सलमान खानचा भाऊ अरबाज यांनीही कोरोना नियमांचे उल्लंघन केले

काही महिन्यांपूर्वी युएईहून परत आल्यानंतर संगरोध नियमांचे उल्लंघन न केल्याबद्दल बीएमसीने सलमान खानचा भाऊ अरबाज खान आणि सोहेल खान आणि सोहेलचा मुलगा आर्यन यांच्यावर कारवाई केली. मग सर्वांना मुंबईच्या वांद्रे येथील ताज लँड्स एंड हॉटेलमध्ये क्वारंटाईन ठेवण्यात आले.