दुसऱ्या धर्मात लग्न केल्यानं कुटुंबीयांनी केलं मुलीचं मुंडन; मारहाण करत संपूर्ण गावात काढली धिंड 

Girl beaten : मुंडन केल्यानंतर तिची मारहाण करून गावातून धिंड काढली. याप्रकरणी पोलिसांनी तीन जणांना अटक केली आहे.

ठळक मुद्देपोलिस सूत्रांकडून मिळालेल्या माहितीनुसार, गावातील एका २८ वर्षाच्या मुलाचे २० वर्षांच्या मुलीशी प्रेमसंबंध होते.

उत्तर प्रदेशच्या बाराबंकी जिल्ह्यातील फतेहपूर गावात एक धक्कादायक घटना उघडकीस आली आहे. दुसऱ्या धर्मातील मुलासह प्रेमविवाह केल्याने मुलीला कुटुंबीयांनी कठोर शिक्षा केली. मुलीच्या कुटुंबीयांनी तिला मारहाण केल्याचा आरोप केला आणि नंतर तिचे मुंडन केले. मुंडन केल्यानंतर तिची मारहाण करून गावातून धिंड काढली. याप्रकरणी पोलिसांनी तीन जणांना अटक केली आहे.

पोलिस सूत्रांकडून मिळालेल्या माहितीनुसार, गावातील एका २८ वर्षाच्या मुलाचे २० वर्षांच्या मुलीशी प्रेमसंबंध होते. सोमवारी दोघांनी कुटुंबातील सदस्यांपासून लपून गावात लग्न केले. मुलीच्या कुटुंबीयांना याची माहिती मिळताच ते संतापले.

काकाने तिचे मुंडन करून गावात धिंड काढली 

अतिरिक्त पोलिस अधीक्षक अवधेश सिंह यांनी सांगितले की, मुलीने तिच्या मामासह इतर नातेवाईकांसह सोमवारी रात्री तिच्या घरात घुसून जबरदस्तीने तिच्या माहेरी नेल्याचा आरोप केला. त्यानंतर त्याला खूप मारहाण केली गेली. त्याच बरोबर मुंडन केल्यानंतर तिला गावोगावी फिरवण्यात आले.

राजस्थानमधील व्यापाऱ्यावर गोळीबार; हत्येची सुपारी देणा-याला डोंबिवलीतून अटकhttps://t.co/Blbo824yUK

— Lokmat (@MiLOKMAT) June 22, 2021

TRP Scam : अर्णब गोस्वामीला बनवले आरोपी; मुंबई पोलिसांकडून पुरवणी आरोपपत्र दाखल https://t.co/04MMjX4bSZ

— Lokmat (@MiLOKMAT) June 22, 2021

८ जणांवर गुन्हा दाखल, ३ जणांना अटक

पोलीस अधिकाऱ्याने सांगितले की, मुलीच्या तक्रारीवरून आठ जणांविरूद्ध गुन्हा दाखल करण्यात आला आहे. ज्यामध्ये तीन जणांना अटक करण्यात आली आहे. तर अन्य आरोपींचा शोध सुरू आहे. पोलिस या प्रकरणाचा तपास करत आहेत. मुलगी म्हणते की, तिला कोणतेही पालक नाहीत. ती तिच्या आजी आजोबांसह राहते आणि मुलाचेही पालक नाहीत. मुलगा मजूर म्हणून काम करतो.