"सावधान इंडिया" या मालिकेतील २ अभिनेत्रींना अटक; मित्राच्या घरी केली चोरी 

Robbery Case : चोरी प्रकरणातील मुद्देमाल हस्तगत 

ठळक मुद्देपेइंग गेस्टने आरे पोलिसांकडे या घटनेची तक्रार केली आणि टीव्ही अभिनेत्री सुरभि श्रीवास्तव (वय 25) आणि मोसिना मुख्तार शेख (वय 19) यांच्याविरोधात पैशाच्या बॅग चोरी केल्याचा आरोप केला.

क्राईम पेट्रोल आणि सावधान इंडियासारख्या प्रसिद्ध मालिकांमध्ये काम करणाऱ्या दोन छोट्या पडद्यावरील अभिनेत्रींना चोरी प्रकरणात अटक करण्यात आली आहे. चोरून नेलेला मुद्देमाल आरे पोलिसांनी हस्तगत केला आहे. 

या दोन अभिनेत्रींनवर त्यांच्या मित्राच्या घरातून तीन लाख 28 हजार रुपये चोरी केल्याचा आरोप आहे. गोरेगाव पूर्वच्या आरे पोलिसांनी दोन्ही अभिनेत्रींना अटक केली आहे. या दोन अभिनेत्रींनी पोलिसांना सांगितले. त्यानुसार, लॉकडाऊनमुळे काम थांबल्यामुळे आर्थिक चणचण भासल्यानंतर त्यांनी ही घटना घडवून आणली.

मिळालेल्या माहितीनुसार, टीव्ही सीरियल क्राइम पेट्रोल आणि सावधान इंडिया यासारख्या प्रसिद्ध टीव्ही शोमध्ये काम करणार्‍या 2 अभिनेत्री लॉकडाऊनमुळे आर्थिक चणचण असल्याने त्रासल्या होत्या. या मालिकेचे शूटिंग बंद झाल्यामुळे दोघांनाही पैशांची कमतरता भासू लागली. त्यांचा मित्र आरे कॉलनीत पेइंग गेस्ट चालवायचा,जिथे दोघी १८ मे रोजी मुक्काम करण्यासाठी आल्या होत्या. येथे आधीच एक पैसे देणारे गेस्ट राहत होते. दोघींनी पेइंग गेस्ट म्हणून मुक्कामाच्या वेळी संधी मिळताच पेइंग गेस्टच्या लॉकअपमध्ये ठेवलेले 3 लाख 28 हजार घेऊन फरार झाल्या.


पेइंग गेस्टने आरे पोलिसांकडे या घटनेची तक्रार केली आणि टीव्ही अभिनेत्री सुरभि श्रीवास्तव (वय 25) आणि मोसिना मुख्तार शेख (वय 19) यांच्याविरोधात पैशाच्या बॅग चोरी केल्याचा आरोप केला. पोलिस तपासणी दरम्यान सोसायटीच्या आवारात बसविलेले सीसीटीव्ही फुटेज तपासले असता त्या दोघी बाहेर जाताना दिसल्या. जेव्हा पोलिसांनी दोन सीसीटीव्ही फुटेज ज्यात ते स्पष्टपणे बंडल घेताना दिसले तेव्हा ते खाली पडले आणि त्यांनी गुन्ह्याची कबुली दिली. लोकप्रिय टीव्ही शो क्राइम पेट्रोल आणि सावधान इंडिया व्यतिरिक्त दोघांनीही अनेक वेब सीरिज चित्रपटांमध्ये काम केले आहे. आरोपींकडून चोरी केलेले 60 हजार रुपये पोलिसांनी जप्त केले आहेत. दोघींनाही कोर्टात हजर करण्यात आले. या दोघींना देखील २३ जूनपर्यंत पोलिस कोठडीत ठेवण्याचे आदेश कोर्टाने दिले आहेत.

दांपत्यानं साडेतीन लाखांना नवजात बालकाला विकलं; पोलिसांकडून ६ जणांना अटकhttps://t.co/ofCr93ctic

— Lokmat (@MiLOKMAT) June 18, 2021