नवी दिल्ली : श्रीलंकेचा माजी धडाकबाज सलामीवीर सनथ जयसूर्याचे कॅनडा येथे अपघाती निधन झाल्याचे वृत्त वाऱ्यासारखे पसरले. या वृत्तामुळे बऱ्याच जणांना धक्का बसला आणि त्यांनी यामागचे सत्य शोधण्याचा प्रयत्न केला.

कॅनडामधील टोरँटो येथे आज सकाळी एक अपघात झाला आणि यामध्ये एका व्यक्तीचे निधन झाले आहे. ही व्यक्ती म्हणजे श्रीलंकेचा माजी क्रिकेटपटू सनथ जयसूर्या आहे, असे वृत्त एका संकेतस्थळाने दिले होते. बऱ्याच जणांनी या गोष्टींची सत्यता पडताळण्याचा प्रयत्न केला. भारताचा फिरकीपटू आर. अश्विननेही सोशल मीडियावर याबाबत विचारणा केली होती.


ही गोष्ट कालांतराने वाऱ्यासारखी पसरली आणि श्रीलंकेपर्यंत जाऊन पोहोचली. त्यानंतर दस्तुरखुद्द जयसूर्याने हे वृत्त खोटं असल्याचे म्हणत याबाबत खुलासा केला आहे. ही खोटी बातमी पसरवू नका, असे आवाहनही जयसूर्याने केले आहे.



जयसूर्या 'मॅच फिक्सिंग' मध्ये दोषी
श्रीलंकेचा महान फलंदाज सनथ जयसूर्या 'मॅच फिक्सिंग' मध्ये दोषी आढळल्याची घटना समोर आली आहे. श्रीलंकेतील एका वेबसाईटने हा दावा केला असून यात जयसूर्यासह श्रीलंकेच्या सात खेळाडूंचा समावेश असल्याचे वृत्त त्यांनी प्रसिद्ध केले आहे. आंतरराष्ट्रीय क्रिकेट परिषदेच्या लाचलुचपत विभागाचे सरचिटणीस अॅलेक्स मार्शल यांचा सामवेश असलेल्या समितीने या प्रकरणाचा छडा लावला आहे. 

श्रीलंका क्रिकेट संघातावर सातत्याने मॅच फिक्सिंग व पिच फिक्सिंग ( सामना निश्चिती व खेळपट्टी निश्चिती ) केल्याचे आरोप होत होते. त्याचा तपास करण्यासाठी आयसीसीचे लाचलुचपत विभाग कामाला लागले होते. त्यांनी या तपासाचा अहवाल नुकताच श्रीलंकेचे पंतप्रधान आणि आयसीसी अध्यक्षांकडे सुपूर्द केला. या गुपित अहवात अल जझीरा चॅनेलचा हाती लागला असून त्यांनी श्रीलंकेच्या दोषी खेळाडूंची नावे जाहीर केली.

या अहवालात दोषी खेळाडूंनी मॅच फिक्सिंग केल्याची कबुली दिल्याची टेप आहे. त्यानुसार या खेळाडूंमध्ये माजी कर्णधार अँजेलो मॅथ्यूज, सचिक्षा सेनानायके, वनिंधू हसरंगा, चतुरंगा डी सिल्वा, दानुष्का गुनतिलके आणि निरोशन डिकवेला यांचा समावेश आहे. जेफ्री डेबारेरा हे पिच फिक्सिंगमध्ये दोषी आढळले आहेत.

या खेळाडूंमध्ये सर्वात धक्कादायक नाव समोर आले आहे आणि ते म्हणजे महान फलंदाज सनथ जयसूर्या याचे. तो मॅच फिक्सिंग आणि पिच फिक्सिंग या दोन्ही प्रकरणात दोषी आढळला आहे. संघातील खाजगी गोष्टींसह खेळपट्टीबाबत फिक्सर्सना माहिती पुरवण्याचे काम तो करत असल्याचा दावा करण्यात येत आहे.  

वाचकहो, 'लोकमत'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatNews ) आणि मिळवा महत्त्वाचे अपडेट्स अन् ताज्या बातम्या!

Web Title: Viral truth: Sanath Jayasuriya's accidental demise? What happened...

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.