रॉस टेलर नेमकं काय म्हणाला?
जेव्हा तुमच्यावर प्रचंड पैसा गुंतवला जातो, तेव्हा तुम्हीही स्वतःला सिद्ध करण्यासाठी धडपडत असता आणि ज्यांनी पैसा लावला आहे त्यांच्या अपेक्षाही अधिक असतात. हे व्यावसायिक आहे. राजस्थान आणि पंजाब किंग्स यांच्यात मोहाली येथे सामना होता. १९५ धावांचा पाठलाग करताना मी शून्यावर LBW झालो आणि आम्हाला तो सामना जिंकता आला नव्हता. त्यानंतर जेव्हा आम्ही, सपोर्ट स्टाफ व संघ व्यवस्थापन हॉटेलच्या बारमध्ये होते. तेव्हा तेथे लिझ हर्ली व शेन वॉर्नही होते. RRचा एक मालक माझ्याकडे आला आणि तो मला म्हणाला, शून्यावर बाद होण्यासाठी आम्ही तुला पैसे देत नाही. त्याने मला ३-४ वेळा कानाखाली वाजवली. त्यानंतर तो हसू लागला, त्याने जोरात मारलेले नव्हते, परंतु मला आश्चर्य वाटले. पण, व्यावसायिक खेळात असेही घडू शकते, याची कल्पना कधी केली नव्हती.
