माजी क्रिकेटपटू गौतम गंभीर याने भारतीय क्रिकेट संघाचं प्रशिक्षकपद स्वीकारल्यापासून अनेक मालिकांमध्ये संघाची कामगिरी कमालीची निराशाजनक झाली आहे. त्यात देशांतर्गत कसोटी मालिकांमध्ये तर न्यूझीलंड आणि आता दक्षिण आफ्रिकेच्या संघांकडून भारताला लाजिरवाण्या पराभवांचा सामना करावा लागला आहे. त्यामुळे प्रशिक्षक गौतम गंभीर हा सध्या क्रिकेटप्रेमींच्या निशाण्यावर आहे. दरम्यान, आता भर मैदानात ‘प्रशिक्षक पद सोडून दे’ असं म्हणत क्रिकेटप्रेमी गौतम गंभीरला ट्रोल करत असल्याचा एक व्हिडीओ सध्या व्हायरल होत आहे.
गौतम गंभीरच्या मार्गदर्शनाखाली खेळत असलेल्या भारतीय क्रिकेट संघाला दक्षिण आफ्रिकेविरुद्धच्या कसोटी मालिकेत ०-२ अशा फरकाने पराभव स्वीकारावा लागला होता. त्याआधी गतवर्षी न्यूझीलंडने भारताचा ०-३ अशा फरकाने पराभव करण्याची किमया केली होती. गौतम गंभीरच्या मार्गदर्शनाखाली भारतीय संघ भारतात ९ कसोटी सामने खेळला असून, त्यातील ५ सामन्यात भारताला पराभव पत्करावा लागला आहे. तर उर्वरित ४ विजय हे बांगलादेश आणि वेस्ट इंडिज या दुबळ्या संघांविरुद्ध मिळवलेले आहेत. गौतम गंभीरच्या मार्गदर्शनाखालील भारतीय संघ आतापर्यंत १९ कसोटी सामने खेळला आहे. त्यातील १० सामन्यात भारताचा पराभव झाला आहे, २ सामने अनिर्णित राहिले आहेत. तर केवळ ७ सामन्यात विजय मिळवता आला आहे. तसेच त्याच्या विजयाची एकूण सरासरी ही ३६.८२ एवढी राहिलेली आहे.
दक्षिण आफ्रिकेकडून झालेल्या पराभवानंतर गौतम गंभीरने किमान भारतीय क्रिकेट संघाच्या कसोटी संघाचं प्रशिक्षकपद सोडलं पाहिजे, असं मत क्रिकेटप्रेमींपासून क्रिकेट समीक्षकांपर्यंत आणि माजी क्रिकेटपटूंकडून व्यक्त केलं जात आहे.
रांची येथे भारत आणि दक्षिण आफ्रिका यांच्यात होणाऱ्या पहिल्या एकदिवसीय सामन्यापूर्वी एक व्हिडीओ व्हायरल होत आहे. त्यामध्ये एक क्रिकेटप्रेमी त्याला ट्रोल करताना दिसत आहे. ‘’घरच्या मैदानावर ०-३, आता दक्षिण आफ्रिकेविरुद्ध ०-१, प्रशिक्षक पद सोडून दे, घरच्या मैदानावर दक्षिण आफ्रिकेला पराभूत करता येत नसेल तर २०२७ चा विश्वचषक विसरून जा’’, असे हा क्रिकेटप्रेमी म्हणत आहे.
दरम्यान, हा व्हिडीओ रांची येथील नसून भारत आणि दक्षिण आफ्रिका यांच्यात गुवाहाटी येथे झालेल्या कसोटी सामन्यातील असल्याची माहिती समोर येत आहे. मात्र या व्हिडीओमधून गौतम गंभीर याच्या प्रशिक्षण शैलीबाबत क्रिकेटप्रेमींमध्ये असलेली नाराजी स्पष्ट झाली आहे.
Web Summary : Gautam Gambhir faces criticism after India's poor cricket performance. A video shows fans trolling him, demanding his resignation as coach after Test series defeats against New Zealand and South Africa. His coaching record shows more losses than wins, fueling calls for him to step down.
Web Summary : भारत के खराब क्रिकेट प्रदर्शन के बाद गौतम गंभीर की आलोचना हो रही है। न्यूजीलैंड और दक्षिण अफ्रीका से टेस्ट श्रृंखला हारने के बाद एक वीडियो में प्रशंसक उन्हें ट्रोल कर रहे हैं और कोच पद से इस्तीफे की मांग कर रहे हैं। उनके कोचिंग रिकॉर्ड में जीत से ज्यादा हार हैं, जिससे उनके इस्तीफे की मांग बढ़ रही है।