Hardik Pandya Angry on paparazzi over Mahieka Sharma viral video: टीम इंडियाचा सुपरस्टार क्रिकेटर अष्टपैलू हार्दिक पांड्या त्याच्या क्रिकेट कारकिर्दीसोबतच वैयक्तिक आयुष्यामुळेच चर्चेत असतो. हार्दिकचा घटस्फोट झाल्यानंतर त्याचे नाव जास्मिन वालियाशी जोडण्यात आले. त्यानंतर आता माहिका शर्मा त्याची गर्लफ्रेंड असल्याचे जवळपास निश्चित आहे. ते दोघेही अनेकदा डेटवर गेलेलेही दिसले आहेत. तशातच मंगळवारी मुंबईतील एका रेस्टॉरंटमधून परत येत असताना माहिका शर्मा हिला पापाराझीने घेरले. माहिका एकटीच होती. त्यामुळे हार्दिकला ही गोष्ट रुचली नाही. cheap sensationalism याच मुद्द्यावरून त्याने आपल्या इन्स्टाग्राम स्टोरीवर पोस्ट करत याबाबत तीव्र शब्दांत नाराजी व्यक्त केली.
हार्दिक पांड्याने गोपनीयता आणि वैयक्तिक आयुष्यातील मर्यादा यांची आठवण पापाराझीला करून दिली. तसेच, प्रसारमाध्यमांनीही जबाबदारीने वागण्याचे आवाहन केले. हार्दिकने त्याच्या इंस्टाग्राम स्टोरीवर एक विधान फोटो शेअर केला. त्याने लिहिलेल्या नोटमध्ये शेलक्या शब्दांत पापाराझीवर टीका केली. एखाद्याच्या वैयक्तिक आयुष्यातील गोष्टी उगाच सनसनाटी बनवण्याच्या पापाराझीच्या प्रयत्न चुकीचा असल्याचे त्याने म्हटले.
या व्हिडीओमुळे हार्दिक नाराज
हार्दिकने त्याच्या पोस्टमध्ये लिहिले, "मला माहित आहे की सेलिब्रिटींचे जीवन सार्वजनिक पद्धतीने चर्चेत असते. अशा लोकांकडे खूप लक्ष वेधले जाते. पण कधीकधी मर्यादा ओलांडली जाते. आजही असेच काहीतरी घडले जे मर्यादा ओलांडल्यासारखे होते. माहिका वांद्रे येथील एका रेस्टॉरंटमध्ये पायऱ्या उतरत असताना पापाराझीने तिला अशा अँगलने क्लिक केले, ज्याप्रकारे तिचे फोटो काढणे किंवा व्हिडीओ शूट करणे योग्य नव्हते. महिलेचे अशा प्रकारे फोटो काढणे आणि ते उगाच व्हायरल करणे हा फारच विचित्र प्रकार आहे. अशी विकृत मानसिकतेता फारच चुकीची आहे."
हार्दिकने पुढे लिहिले, "हा व्हिडीओ कुणी शूट केला किंवा कशाप्रकारे केले याबद्दल मला अधिक बोलायचे नाही. पण महिलांचा आणि सर्वांचा मूलभूत आदर राखला जायला हवा. प्रत्येकाने आपल्या मर्यादा पाळायला हव्यात. दररोज कठोर परिश्रम करणाऱ्या मीडिया बांधवांचा मी आदर करतो आणि तुम्हाला नेहमीच सहकार्य करतो. पण मी तुम्हा सर्वांना विनंती करतो की, कृपया शूट किंवा फोटो काढताना थोडा विचार करत जा. सर्वकाही टिपण्याची गरज नाही. प्रत्येक अँगलमधूनच फोटो काढण्याची गरज नाही. या थोडी माणुसकी जपूया. धन्यवाद."
माहिका शर्मा कोण आहे?
माहिका शर्मा ही मूळची दिल्लीची आहे आणि तिने मॉडेलिंगच्या जगतात स्वतःचे नाव कमावले आहे. माहिकाकडे अर्थशास्त्र आणि वित्त या विषयात पदवी आहे. ती मॉडेलिंग करते आणि सध्या हार्दिकसोबतच्या रिलेशनशिपमुळे चर्चेत आहेत.
Web Summary : Hardik Pandya expressed anger over paparazzi's intrusive video of Mahieka Sharma. He urged media to respect privacy and ethical boundaries, condemning sensationalism.
Web Summary : हार्दिक पांड्या ने माहिका शर्मा के वीडियो पर पैपराजी की निजता के उल्लंघन की आलोचना की। उन्होंने मीडिया से गोपनीयता और नैतिक सीमाओं का सम्मान करने का आग्रह किया।