क्रिकेटविश्वात खळबळ! मॅच फिक्सिंगचे गंभीर आरोप, लिलावातून ७ खेळाडूंची नावं हटवली

Cricket Match Fixing Players Auction: क्रिकेटमध्ये पैसा वाढल्यानंतर गैरप्रकारही वाढले आहेत

By ऑनलाइन लोकमत | Updated: November 29, 2025 15:32 IST2025-11-29T15:32:24+5:302025-11-29T15:32:57+5:30

whatsapp join usJoin us+ Follow on Google
bangladesh cricket borad omits eight cricketers from BPL auction list due to match fixing allegations | क्रिकेटविश्वात खळबळ! मॅच फिक्सिंगचे गंभीर आरोप, लिलावातून ७ खेळाडूंची नावं हटवली

क्रिकेटविश्वात खळबळ! मॅच फिक्सिंगचे गंभीर आरोप, लिलावातून ७ खेळाडूंची नावं हटवली

Cricket Match Fixing Players Auction: क्रिकेट हा खेळ भारतासह आशियाई उपखंडात खूपच लोकप्रिय आहे. त्यामुळेच आंतरराष्ट्रीय क्रिकेटसोबतच विविध देश आपल्या देशांतर्गत स्पर्धाही भरवत असतात. त्यातच IPLच्या तुफान यशानंतर, आर्थिक उत्पन्न मिळवण्यासाठी अनेक देशांनी आपापल्या टी२० लीग स्पर्धाही सुरू केल्या आहेत. या स्पर्धांमध्ये मॅच फिक्सिंग होत असल्याचे आरोप अनेकदा केले जातात. याच आरोपांमुळे ७ क्रिकेटपटूंना मोठा धक्का बसला आहे. स्पर्धेच्या आगामी हंगामासाठी होणाऱ्या लिलावातून त्यांचे नाव हटवण्यात आले आहे. बांगलादेश प्रीमियर लीगच्या पुढील हंगामाआधी ही घटना घडली आहे. लिलावाच्या अवघ्या एक दिवस आधी, सात खेळाडूंना ड्राफ्टमधून काढून टाकण्यात आले आहे. या सर्व खेळाडूंवर मॅच फिक्सिंगचे गंभीर आरोप आहेत.

कोण आहेत ७ खेळाडू?

या सात खेळाडूंमध्ये दोन मोठ्या नावांचा समावेश आहे. अनामूल हक बिजॉय, मोसाद्देक हुसैन, शोफिउल इस्लाम, अलाउद्दीन बाबू, सुन्झामुल इस्लाम, मिझानुर रहमान, निहादुज्जमान आणि मुनीर हसन खान यांना बीपीएल लिलावातून वगळण्यात आले आहे. बांगलादेश क्रिकेट बोर्डाने आधीच सूचित केले होते की १० खेळाडू त्यांच्या रेड झोनमध्ये आहेत आणि त्यांनाही ढाका येथे होणाऱ्या लिलावातून वगळले जाऊ शकते.

अनामुल, मोसद्दक यांना वगळणे स्पर्धेसाठी धक्का

लिलावातून अनामुल हक बिजॉयला वगळणे हा त्यांच्यासाठी मोठा धक्का आहे. कारण तो बांगलादेशचा एक प्रमुख खेळाडू आहे. त्याने ८ कसोटी, ४९ एकदिवसीय आणि २० टी२० आंतरराष्ट्रीय सामने खेळले आहेत. बांगलादेश प्रीमियर लीगमध्ये, अनामुल हक बिजॉयने १३१ सामन्यांमध्ये २,७७६ धावा केल्या आहेत आणि त्याच्या नावावर एक शतक आणि १६ अर्धशतकेही आहेत. अशा परिस्थितीत त्याला लिलावातून वगळण्यात आल्याने क्रिकेटविश्वात एकच खळबळ उडाली आहे. मोसद्दक होसेनदेखील बांगलादेशचा बडा खेळाडू आहे. त्याने ४ कसोटी, ४३ वनडे आणि ३३ टी२० सामने खेळले आहेत. त्याच्या नावावर आंतरराष्ट्रीय क्रिकेटमध्ये ४ अर्धशतके आहेत.

Web Title : क्रिकेट जगत में हड़कंप! मैच फिक्सिंग के आरोपों में 7 खिलाड़ी नीलामी से बाहर।

Web Summary : मैच फिक्सिंग के आरोपों के चलते बांग्लादेश प्रीमियर लीग की नीलामी से सात क्रिकेटरों को हटा दिया गया। अनामुुल हक बिजॉय और मोसाद्देक हुसैन बाहर किए गए खिलाड़ियों में शामिल हैं। इस निष्कासन से क्रिकेट जगत में सनसनी फैल गई है।

Web Title : Cricket world stunned! Match-fixing allegations remove 7 players from auction.

Web Summary : Seven cricketers were removed from the Bangladesh Premier League auction due to match-fixing allegations. Anamul Haque Bijoy and Mosaddek Hossain are among those excluded. This exclusion has caused shockwaves in the cricket world.

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.