IPL 2020 KXIP vs SRH  Preview : हैदराबाद- पंजाब यांच्यातील निणार्यक लढतीत बाजी कुणाची, पराभवामुळे स्पर्धेतील आव्हान संपुष्टात येण्याचे संकट

किंग्स इलेव्हनने दिल्ली कॅपिटल्स, मुंबई इंडियन्स व रॉयल चॅलेंजर्स बँगलोर संघांचा पराभव केला. केएल राहुलच्या नेतृत्वाखालील संघ अव्वल चारमध्ये स्थान मिळविण्यासाठी आपली विजयी मोहीम कायम राखण्यास प्रयत्नशील आहे.

दुबई : सलग तीन विजय मिळवत आगेकूच करीत असलेला किंग्स इलेव्हन पंजाब आणि गेल्या लढतीत मोठ्या फरकाने विजय मिळविणारा सनराजयर्स हैदराबाद संघांदरम्यान इंडियन प्रीमियर लीगमध्ये (आयपीएल) शनिवारी आपली विजयी मोहीम कायम राखण्याचे आव्हान आहे.

किंग्स इलेव्हन व सनरायजर्स यांची स्थिती एकसारखी आहे. प्रत्येकी १० सामने खेळणाऱ्या उभय संघांच्या खात्यात प्रत्येकी ८ गुणांची नोंद आहे. सरस नेटरनरेटच्या आधारावर हैदराबाद संघ पाचव्या स्थानी आहे तर पंजाब संघ सहाव्या स्थानी आहे. प्ले-ऑफमध्ये स्थान निश्चित करण्यासाठी या दोन्ही संघांना उर्वरित सामने जिंकावे लागतील. किंग्स इलेव्हनसाठी स्पर्धेची सुरुवात चांगली झाली नाही, पण त्यांनी गेल्या तीन सामन्यात शानदार कामगिरी केली.

किंग्स इलेव्हनने दिल्ली कॅपिटल्स, मुंबई इंडियन्स व रॉयल चॅलेंजर्स बँगलोर संघांचा पराभव केला. केएल राहुलच्या नेतृत्वाखालील संघ अव्वल चारमध्ये स्थान मिळविण्यासाठी आपली विजयी मोहीम कायम राखण्यास प्रयत्नशील आहे.

आमने-सामने : हैदराबाद- पंजाब
सामने - १५
विजय -  हैदराबाद ११, पंजाब ४