संपूर्ण देश लॉकडाऊन; आर अश्विननं जनतेला करून दिली 'त्या' प्रसंगाची आठवण

पंतप्रधान नरेंद्र मोदी यांनी मंगळवारी मध्यरात्रीपासून देशभरात २१ दिवस संपूर्ण ‘लॉकडाऊन’ लागू करण्यात येत असल्याची घोषणा केली.

कोरोना व्हायरसच्या जगव्यापी साथीने प्रगत देशांना हतबल केले आहे. सर्वतोपरी प्रयत्न करूनही आव्हाने वाढत आहेत. एक-दुसऱ्यापासून दूर राहणे (सोशल डिस्टन्सिंग, सामाजिक दुरावा), घराबाहेर न पडणे, घरातच राहणे, हा एकमेव मार्ग आहे. यात जराही निष्काळजीपणा केल्यास भारताला जबर किंमत मोजावी लागेल. त्याचा अंदाज बांधणेही कठीण आहे, असे कळकळीने सांगत पंतप्रधान नरेंद्र मोदी यांनी मंगळवारी मध्यरात्रीपासून देशभरात २१ दिवस संपूर्ण ‘लॉकडाऊन’ लागू करण्यात येत असल्याची घोषणा केली. तरीही अत्यावश्यक वस्तूंच्या खरेदीसाठी लोकं गर्दी करताना पाहायला मिळत आहेत. त्यांना भारताचा फिरकीपटू आर अश्विननं हटके मार्गानं समाजवण्याचा प्रयत्न केला आहे.

आतापर्यंत जगभरात 4, 22,829 कोरोना रुग्ण आढळले आहेत आणि त्यापैकी 18, 907 जणांचा मृत्यू झाला आहे. पण, एक लाखाहून अधिक लोकंही बरी झाली आहेत. भारतातील आकडा 562 झाला असून त्यापैकी 11 जणं दगावली आहेत. वारंवार सूचना करूनही लोकं सोशल डिस्टन्स राखत नसल्यानं मंगळवारी पंतप्रधान मोदींना देशभरात लॉकडाऊन करण्याचा निर्णय घ्यावा लागला. तरीही लोकं घराबाहेर पडत आहेत. यावेळी अश्विननं मात्र त्यांना एक वर्षापूर्वी त्याच्यासोबत घडलेल्या एका प्रसंगाची आठवण करून दिली. 

There are also kids who are playing together in such apartments, while it’s tough to manage their energies within the house, I would like to point out that we are in unprecedented times and we have no choice but to lock them down. #coronavirusindia#indialockdown

— lets stay indoors India 🇮🇳 (@ashwinravi99) March 25, 2020

काय आहे हा प्रसंग?
इंडियन प्रीमिअर लीगच्या ( आयपीएल ) 2019च्या मोसमात किंग्स इलेव्हन पंजाब आणि राजस्थान रॉयल्स या संघांमधीला हा प्रसंग आहे. गतवर्षी बरोबर आजच्याच दिवशी पंजाबचा कर्णधार अश्विननं राजस्थानच्या जोस बटलरला मांकड पद्धतीनं धावबाद केलं होतं. अश्विन गोलंदाजी करण्यापूर्वी नॉन स्ट्राईकर एंडला असलेल्या बटलरने क्रीज सोडले होते आणि अश्विननं त्याला कोणतीही पूर्वकल्पना न देता धावबाद केले. नियमाच्या चौकटीत अश्विनचा हा डाव योग्य होता, परंतु त्याच्यावर टीका झाली. याच घटनेचा संदर्भ देताना अश्विननं लोकांना घरात राहा, घराची सीमारेषा ओलांडू नका, अन्यथा.... असा सल्ला दिला आहे.

Ok since people couldn’t read the entire thread on my previous tweet, there are many apt complexes where people are walking around their perimeter and scheduling walks in batches with time slots through WhatsApp. It’s a no no guys please stop it. #coronavirusindia#indialockdown

— lets stay indoors India 🇮🇳 (@ashwinravi99) March 25, 2020

अन् अश्विननं त्याचं नाव बदललं
कोरोना व्हायरसबाबत जनजागृती करण्यासाठी अश्विननं ट्विटर अकाऊंटवरील त्याचं नाव बदलून lets stay indoors India असं केलं.

Hahaha, somebody sent me this and told me it's exactly been 1 year since this run out happened.

As the nation goes into a lockdown, this is a good reminder to my citizens.

Don't wander out. Stay inside, stay safe! #21DayLockdownpic.twitter.com/bSN1454kFt

— lets stay indoors India 🇮🇳 (@ashwinravi99) March 25, 2020

अन्य महत्त्वाच्या बातम्या

लिओनेल मेस्सी अन् ख्रिस्तियानो रोनाल्डो यांंचा मदतीचा हात; सार्वजनिक हॉस्पिटलला कोट्यवधींची मदत

सानिया मिर्झाची समाजोपयोगी चळवळ; रोजंदारी कामगारांचे पोट भरण्याचा निर्धार