काेराेनातून सावरलेल्या बालकांना एमएसआय-सी आजाराचा धाेका

संदीप वानखडे

बुलडाणा : काेराेनाची तिसरी लाट येणार असल्याची, तसेच यामध्ये लहान बालके संसर्गीत हाेण्याची शक्यता तज्ज्ञांनी वर्तवली आहे. त्यातच काेराेनातून सावरलेल्या बालकांना मल्टि-सिस्टम इन्फ्लेमेटरी सिंड्रोम (एमएसआय-सी) हा आजार हाेत असल्याचे समाेर आले आहे. या आजाराने ग्रस्त एका बालकावर उपचार सुरू आहेत. आजाराचा धाेका पाहता आराेग्य विभागाने सर्वेक्षण सुरू केले असून रुग्णसंख्या वाढण्याची शक्यता आहे.

काेराेनाची दुसरी लाट शहरांसह ग्रामीण भागात पाेहोचली हाेती. काेराेनामुळे अनेक जण गंभीर बनल्याने त्यांना रुग्णालयात दाखल करावे लागले हाेते. काेराेनाने अनेकांचा मृत्यूही झाला आहे. जिल्ह्यात ४३० पेक्षा जास्त बालकांना काेराेना संसर्ग झाला हाेता. काेराेनातून सावरलेल्या बालकांना आता एमएसआय-सी हा आजार हाेत असल्याचे समाेर आले आहे. या आजारामुळे मुलांना अंगात ताप भरतो. तसेच हा आजार हृदय, मेंदू आणि फुप्फुस अशा महत्त्वाच्या भागांवर हल्ला करतो. तसेच लहान मुलांमध्ये तीन ते पाच दिवस ताप, तीव्र पोटदुखी तसेच रक्तदाब कमी होणे अशी लक्षणे सुद्धा आजारात जाणवतात. त्यामुळे, काेराेनातून बरे झालेल्या मुलांकडे पालकांनी लक्ष देण्याची गरज आहे. तसेच तिसऱ्या लाटेत मुलांना काेराेना संसर्ग हाेऊच नये यासाठी उपाययाेजना करण्याची गरज आहे.

अशी आहेत लक्षणे...

मुलांना खूप ताप येणे, पाच दिवसांपर्यंत ताप कमी न हाेणे

मुलांच्या पाेटात दुखणे

मळमळ हाेणे, उलट्या हाेणे

स्कीनवर रॅशेस पडणे

डाेळे लाल हाेणे

ही घ्यावी काळजी...

काेराेनातून बरे झालेल्या मुलांकडे लक्ष द्यावे

काेराेना हाेऊच नये यासाठी मुलांना मास्कशिवाय बाहेर पडू देऊ नये

सतत ताप असल्यास किंवा तीव्र पाेटदुखी असल्यास डाॅक्टरांना दाखवावे

मुलांमध्ये लक्षणे आढळल्यास त्याकडे दुर्लक्ष करू नये

मुलांना पाैस्टिक भाेजन द्यावे

काेराेनातून बरे झालेल्या शून्य ते १९ वर्षांच्या मुलांना मल्टि-सिस्टम इन्फ्लेमेटरी सिंड्रोम हा आजार हाेत आहे. या आजाराची लक्षणे दिसताच तातडीने डाॅक्टरांना दाखवावे. तसेच मुलांना काेराेना हाेऊच नये यासाठी उपाययाेजना कराव्यात. काेराेनातून मुले सावरली असली तरी, त्यांच्याकडे पालकांनी विशेष लक्ष द्यावे.

- डाॅ़ नितीन तडस, जिल्हा शल्यचिकित्सक

बालकांना झाला काेराेना

४३०

जिल्ह्यातील एकूण काेराेना रुग्ण

८६,२९३

काेराेनावर मात केलेले रुग्ण

८५५२९

एकूण मृत्यू

६५४

उपचार घेत असलेले रुग्ण

११०