हिला ओळखलंत का ?, 25 वर्षांत इतकी बदलली सलमान खानची 'ही' अभिनेत्री

आपल्या करिअरची सुरूवात तिने सुनील दत्त यांच्या 'ये आग कब बुझेगी' या चित्रपटाने केली होती

बॉलिवूडचा सुपरस्टार दबंग खान म्हणजेच सलमान खान अजूनही चित्रपटांमध्ये सक्रिय आहे, पण त्याच्याबरोबर करिअरची सुरुवात करणार्‍या बर्‍याच अभिनेत्री आता क्वचितच चित्रपटांमध्ये दिसतात. सलमान खानसह 'सूर्यवंशी' चित्रपटात पत्नीची भूमिका साकारणारी शीबा दीर्घकाळापासून  मोठ्या पडद्यावरुन गायब होती.

'सूर्यवंशी' फेम अभिनेत्री शीबाने 'प्यार का सया' आणि 'दम' सारख्या चित्रपटांमध्ये आपलं अभिनव कौशल्य दाखवले. मात्र काही काळानंतर ती चित्रपटांपासून दूर जाऊ लागली. 'हासिल' या टीव्ही कार्यक्रमात शीबा पुन्हा एकदा प्रेक्षकांच्या भेटीला आली. हासिलमधील त्याच्या भूमिकेच्या शेड्सबघून तिने हा शो करण्याचा निर्णय घेतला. शोची संकल्पनाही तिला आवडली.

शीबाने आपल्या करिअरची सुरूवात सुनील दत्तच्या 'ये आग कब बुझेगी' या चित्रपटाने केली होती. यानंतर तिने बर्‍याच चित्रपटांत काम केले. मात्र, ‘सूर्यवंशी’ सिनेमात तिने साकारलेल्या सलमान खानच्या पत्नीच्या भूमिकेमुळे ती चर्चेत आली. 

'हासिल'मधील तिच्या भूमिकेबद्दल बोलताना शीबाने सांगितले होते की, 'मला जेव्हा या शोची कॉन्सेप्ट सांगितली गेली तेव्हापासून हा शो करण्यास मला रस होता'. हा एक रोमँटिक थ्रिलर शो होता ज्यात शीबाने महत्त्वपूर्ण भूमिका साकारली होती.

विशेष म्हणजे शीबा कदाचित चित्रपटांपासून दूर असेल, पण सोशल मीडियावर खूप अ‍ॅक्टिव्ह असते. ती तिचे स्टायलिश फोटो आणि फिटनेस व्हिडिओंमुळे चर्चेत असते. शीबाने 1996 in मध्ये आकाशदीपशी लग्न केले. शीबाला दोन मुले आहेत. शीबाचा नवरा आकाशदीप एक अभिनेता दिग्दर्शक आहे.