'या' अभिनेत्रीलाच समजायचे माधुरी दीक्षित, एका गोष्टीमुळे आज बॉलिवूडमधून आहे गायब

By ऑनलाइन लोकमत | Published: October 13, 2020 06:00 AM2020-10-13T06:00:00+5:302020-10-13T06:00:00+5:30

 1992च्या दरम्यान कॉलेजमध्ये असताना निक्की अनेजाने मॉडेलिंगमध्ये हात आजमावले. यावेळी तिने अनेकांची मनं जिंकली त्यामुळेच की काय दुस-या क्रमांकाचा अवॉर्ड मिळाला होता.

For This Reason Look ALike Madhuri Dixt Actress Niki Aneja walia left bollywood | 'या' अभिनेत्रीलाच समजायचे माधुरी दीक्षित, एका गोष्टीमुळे आज बॉलिवूडमधून आहे गायब

'या' अभिनेत्रीलाच समजायचे माधुरी दीक्षित, एका गोष्टीमुळे आज बॉलिवूडमधून आहे गायब

googlenewsNext

नव्वदच्या दशकात रुपेरी पडद्यावर एक अभिनेत्री झळकली होती. त्या अभिनेत्रीचं नाव होतं निक्की अनेजा. हिची खास ओळख म्हणजे ती धकधक गर्ल माधुरी दीक्षित हिची डुप्लिकेट होती. 'मिस्टर आजाद' या सिनेमातून आपल्या अभिनय करिअरची सुरुवात करणा-या निक्कीला बॉलीवुडला रामराम का करावा लागला याचा खुलासा खुद्द तिनेच केला होता.  1992च्या दरम्यान कॉलेजमध्ये असताना निक्कीने मॉडेलिंगमध्ये हात आजमावले. यावेळी तिने अनेकांची मनं जिंकली त्यामुळेच की काय दुस-या क्रमांकाचा अवॉर्ड मिळाला होता. मात्र निक्कीचं पायलट बनण्याचं स्वप्न होतं. तिनं त्यासाठी 72 तासांची एक टेस्टही दिली होती. मात्र वडिलांनी यासाठी पैसे देण्यास नकार दिल्याने निक्कीने पायलट बनण्याचं स्वप्न अर्धवट सोडून दिलं.

यानंतर भावानं केलेल्या मार्गदर्शनामुळे तिने आपला पहिला पोर्टफोलिओ बनवला. यानंतर निक्कीचं नशीब जणू काही पालटलं. तिचा पोर्टफोलिओ पाहून तिला जाहिरातीच्या विविध ऑफर्स येऊ लागल्या. तिची पहिली कमाई 8 हजार रुपये होती. जाहिरात, मॉडेलिंगबद्दल निक्कीच्या मनात विशेष आवड निर्माण झाली. मात्र यांत करियर करण्याच्या इच्छेला तिलांजली देत निक्की पुन्हा वडिलांकडे आली. 

वडिलांकडे आग्रह करुन तिने सिनेमात काम करण्याची परवानगी मिळवली. 'मिस्टर आजाद' या पहिल्याच सिनेमातील तिच्या कामाचं कौतुकही झालं. मात्र त्याचेवळी ती माधुरीची डुप्लिकेट असल्याचा शिक्काही तिच्यावर बसला. पहिल्या सिनेमानंतर निक्कीकडे ब-याच ऑफर्स आल्या होत्या. मात्र जीवनात घडलेल्या एका घटनेमुळे ती चांगलीच हादरली. तिच्या वडिलांचं अचानक निधन झालं आणि तिनं सिनेमात काम करण्यास नकार दिला.

सिनेमांसाठी घेतलेले पैसे तिने परत केले. वडिलांच्या अकाली निधनामुळे निक्की अशी काही कोसळली की तिनं या इंडस्ट्रीलाच रामराम ठोकला. तसेच दिलेल्या एका मुलाखतीत तिने म्हटले होते की, फिल्म इंडस्ट्रीमध्ये घडणारे कास्टिंग काऊच, हॅरेसमेंट  प्रकारांमुळे असुरक्षित वाटत होते. शेवटी बॉलिवूडपासून दूर जाणेच चांगला निर्णय असू शकतो असे तिने सांगितले होते.

Web Title: For This Reason Look ALike Madhuri Dixt Actress Niki Aneja walia left bollywood

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.