टीना मुनिमच्या प्रेमात आकंठ बुडाले होते राजेश खन्ना, एकाच ब्रशने घासायचे दात

सौतन सिनेमाच्यावेळी राजेश खन्ना आणि टीना मुनिम यांच्यात जवळीक वाढू लागली.दोघांचीही मैत्रीचे रूपांतर प्रेमात कधी झाले हे दोघांनाही कळले नाही.

बॉलिवूडचे पहिले सुपरस्टार राजेश खन्ना यांनी लव्हर बॉय इमेजमधून चित्रपट रसिकांना वेड लावलं. रुपेरी पडद्यावर प्रेम तसंच विरहगाथा त्यांनी कधी हसवत तर कधी डोळ्यात आसवं आणत निभावल्या आणि इतिहास रचला. त्याकाळातल्या अनेक अभिनेत्रींशी राजेश खन्ना यांची सिनेमात जोडी जमली. त्याकाळी रिल लाईफप्रमाणे रिअल लाईफमध्ये राजेश खन्ना यांचं नाव अनेक अभिनेत्रींशीही जोडलं गेलं. पण असे म्हटले जाते की, डिम्पल कपाडियासोबत लग्न केल्यानंतर राजेश खन्ना टीना मुनिमबरोबर रिलेशनशिपमध्ये आले होते.

सौतन सिनेमाच्यावेळी राजेश खन्ना आणि टीना मुनिम यांच्यात जवळीक वाढू लागली.दोघांचीही मैत्रीचे रूपांतर प्रेमात कधी झाले हे दोघांनाही कळले नाही. टीनावर राजेश मनापासून प्रेम करायचे. ते एकत्र राहू लागले. राजेश खन्ना यांनीदेखील हे नाते कधीच लपवले नाही. मीडिया रिपोर्ट्सनुसार, एका मुलाखतीत राजेश खन्ना म्हणाले की, मी टीनावर एवढे प्रेम करतो की मी तिचा दात घासण्यासाठी टुथब्रश पण वापरतो. यानंतर त्यांच्या या मुलाखतीची खूप चर्चा देखील झाली होती. 

टिनाची इच्छा होती की डिम्पलला घटस्फोट देऊन त्यांनी तिच्याशी लग्न करावे. पण इच्छा असूनही राजेश खन्ना हे करू शकले नाही. ते एका प्रकारे डिम्पलशीही जोडले गेले होते राजेश जेवढे प्रेम टिनावर करायचे त्याच्यापेक्षाही जास्त प्रेम ते डिंपलवर करायचे. टीनाला वाटले की राजेश तिला फसवत आहेत. बरीच वाट पाहिल्यानंतर टीनाने त्यांच्याबरोबर ब्रेकअप करण्याचा निर्णय घेतला.

टीनाच्या निर्णयाने राजेश खन्ना पूर्णपणे कोलमडून गेले होते. त्यांनी तिने सोडून जाऊ नये म्हणून अनेकवेळा टीनासमोर विनावण्या केल्या.पण टीनाने निर्णय घेतला होता. जाताना टीनाने राजेश यांना गिफ्टही दिले. तिने त्यांच्या २० चित्रपटांची कॉपी बनवून त्यांना गिफ्ट दिले. नंतर संजय दत्त टीनाच्या आयुष्यात आला. पण टीनाने त्याला त्याच्या ड्रग्स व्यसनामुळे त्याला सोडून दिले आणि नंतर तिने बिझनेसमन अनिल अंबानीशी लग्न केले.