काय म्हणता? अनिल कपूरला मुख्यमंत्रिपदाची ऑफर !!

शिवसेना-भाजपमध्ये मुख्यमंत्रिपदावरून रस्सीखेच सुरु असताना महाराष्ट्राचा मुख्यमंत्री कोण होणार? हा एकच प्रश्न सध्या महाराष्ट्रातील जनता विचारतेय.

ठळक मुद्दे‘नायक’ या चित्रपटात अनिल कपूर एका दिवसासाठी मुख्यमंत्री बनला होता. 2001 मध्ये हा चित्रपट प्रदर्शित झाला होता.

शिवसेना-भाजपमध्ये मुख्यमंत्रिपदावरून रस्सीखेच सुरु असताना महाराष्ट्राचा मुख्यमंत्री कोण होणार? हा एकच प्रश्न सध्या महाराष्ट्रातील जनता विचारतेय. सोशल मीडियाने मात्र हा गुंता सोडवत, महाराष्ट्राच्या मुख्यमंत्रिपदासाठी अभिनेता अनिल कपूरचे नाव सुचवले आहे. होय, अनिल कपूरला मुख्यमंत्री करा, असा पर्याय नेटक-यांनी पुढे केला आहे.
 ‘ शिवसेना-भाजपातील मुख्यमंत्रिपदावरून सुरु असलेला गुंता सुटत नाही तोपर्यंत अभिनेता अनिल कपूरला मुख्यमंत्री बनवू पाहू शकतो. पडद्यावर त्यांचा एक दिवसाचा कार्यकाळ संपूर्ण देशाने बघितला आहेच. देवेंद्र फडणवीस  आणि आदित्य ठाकरे तुमचा काय विचार आहे?, ’ असे ट्विट विजय गुप्ता नामक एका ट्विटर हँडलवरून करण्यात आले आहे.

महाराष्ट्र में जब तक कोई रास्ता नहीं निकलता तब तक @AnilKapoor  को ही मुख्यमंत्री बना कर देख लेते हैं। पर्दे पर उनके एक दिन का कार्यकाल पूरे देश ने देखा है और सराहा है। @Dev_Fadnavis  और @AUThackeray क्या सोच रहे हैं ?? pic.twitter.com/GSCIL9mo2R

— Vijay gupta (@vijaymau) October 30, 2019

तूर्तास हे ट्विट वा-याच्या वेगाने व्हायरल होत असून नेटक-यांनी यावर भन्नाट प्रतिक्रिया दिल्या आहेत. विशेष म्हणजे, खुद्द अनिल कपूर यांनीही यावर मजेशीर उत्तर देत, ‘ मै नायक ही ठीक हूँ’ असे म्हटले आहे.

मैं nayak ही टीक हूँ 😎@vijaymauhttps://t.co/zs7OPYEvCP

— Anil Kapoor (@AnilKapoor) October 31, 2019

‘नायक’ या चित्रपटात अनिल कपूर एका दिवसासाठी मुख्यमंत्री बनला होता. 2001 मध्ये हा चित्रपट प्रदर्शित झाला होता. या चित्रपटात अनिलने शिवाजी राव नामक व्यक्तिरेखा जिवंत केली होती. पत्रकार असणारा शिवाजी राव मुख्यमंत्र्यांना आव्हान देतो. त्याच्या या आव्हानानंतर विद्यमान मुख्यमंत्री त्याला एक दिवसासाठी मुख्यमंत्री पद देऊ करतात. या एका दिवसात तो राज्याचा चेहरामोहरा बदलतो, असे या चित्रपटाचे कथानक आहे. या चित्रपटात अनिल कपूर यांनी साकारलेला ‘नायक’ अद्यापही चाहत्यांच्या आठवणीत आहेत. याच पार्श्वभूमीवर नेटक-यांनी अनिल कपूरला महाराष्ट्राचा मुख्यमंत्री बनवण्याचा सल्ला दिला आहे.