बाबा, आम्ही करून दाखवलं! रितेश देशमुख झाला भावूक

अभिनेता रितेश देशमुख काल महाराष्ट्र विधानसभा निवडणुकीच्या निकालानंतर चांगलाच भावूक झाला.

ठळक मुद्देआज रितेशची महत्त्वपूर्ण भूमिका असलेला हाऊसफुल 4 हा सिनेमा प्रदर्शित झालाय.

अभिनेता रितेश देशमुख काल महाराष्ट्र विधानसभा निवडणुकीच्या निकालानंतर चांगलाच भावूक झाला. कारण काय तर  रितेशचे दोन्ही भाऊ या निवडणुकीत विजयी झालेत. भावांच्या विजयानंतर  रितेश देशमुख भावूक झाला. त्याने आपल्या ट्विटर अकाऊंटवर भावूक पोस्ट टाकली.  बाबा आम्ही करुन दाखवले, असे भावनिक ट्विट त्याने केले.
 महाराष्ट्राचे माजी मुख्यमंत्री विलासराव देखमुख यांचे दोन्ही सुपुत्र यंदा विधानसभा निवडणुकीत विजयी झालेत. अमित देशमुख हे लातूर शहर तर धीरज देशमुख हे लातूर ग्रामीण मतदारसंघातून निवडणुकीच्या रिंगणात होते. अमित देशमुख यांनी तिस-यांदा निवडणूक जिंकली. काँग्रेसच्या तिकीटावर लातूर शहर मतदारसंघातून अमित देशमुख यांनी 42 हजार मतांनी भाजपाच्या उमेदवाराला धूळ चारली. तर धीरज देशमुख यांनी लातूर ग्रामीणमधून विजयश्री खेचून आणला.  त्यांनी १ लाख 20 हजारांच्या घरात मतांनी विरोधी प्रतिस्पर्ध्याचा पराभव केला.  रितेश देशमुखने आपल्या दोन्ही भावांच्या प्रचारात सक्रीय सहभाग घेतला होता.  

We did it PAPPA!!! @AmitV_Deshmukh wins Latur (city) by 42000+ votes for the 3rd consecutive time.@MeDeshmukh wins Latur (rural) by 1,20,000 votes.

Thank you people of Latur for this faith & trust. pic.twitter.com/pOGFsmoEJU

— Riteish Deshmukh (@Riteishd) October 24, 2019

भावांच्या या विजयानंतर रितेशने लातूरच्या जनतेचे आभार मानलेत. बाबा, आम्ही करून दाखवले, अशा शब्दांत रितेशने आपल्या भावना व्यक्त केल्या. लातूर मतदारसंघ विलासराव देशमुख यांचा गड म्हणून ओळखला जातो. यंदा हा गड राखणे देशमुखांच्या दोन्ही चिरंजीवांसाठी प्रतिष्ठेचे होते. 

From London to Sitamgarh, you are now ready to embark on the epic journey of #SajidNadiadwala’s  #Housefull4 🥳
Catch the madness in a cinema near you NOW!

BMS: https://t.co/MutElyVBvm
Paytm: https://t.co/kHIQ9WFTQp@farhad_samji#Housefull4InCinemaspic.twitter.com/EmZjHCjpjK

— Riteish Deshmukh (@Riteishd) October 25, 2019

रितेश देशमुख बॉलिवूडमध्ये सक्रीय आहे. हाऊसफुल, ग्रँड मस्ती सारख्या चित्रपटांतून लोकप्रियता मिळवणा-या रितेशला विनोदी भूमिकांसाठी अनेक पुरस्कार मिळाले आहेत. आज रितेशची महत्त्वपूर्ण भूमिका असलेला हाऊसफुल 4 हा सिनेमा प्रदर्शित झालाय. या चित्रपटात रितेशसह बॉबी देओल, अक्षय कुमार यांच्याही खास भूमिका आहेत.