Throwback : या अभिनेत्याने शेअर केला आठवणीतला फोटो, ओळखा कोण?

बहीण भावंडांचा फोटो, ओळखा पाहू कोण?

ठळक मुद्देफरहान अख्तरच्या पर्सनल लाईफबद्दल सांगायचे झाल्यास, सध्या तो अभिनेत्री शिबानी दांडेकरला डेट करतोय. गतवर्षी या कपलने आपले रिलेशनशिप ऑफिशिअल केले होते.

अभिनेता फरहान अख्तर सध्या ‘डॉन 3’मुळे चर्चेत आहे. एकीकडे चाहत्यांनी  ‘डॉन 3’ बनवण्याची मागणी लावून धरली आहे. दुसरीकडे फरहानने अद्याप कोणतीही स्क्रिप्ट फायनल केलेली नाही. ‘डॉन 3’सोबतच फरहान त्याच्या पर्सनल लाईफमुळेही चर्चेत आहे. पण सध्या फरहानने शेअर केलेल्या एका जुन्या फोटोबद्दल तुम्हाला सांगणार आहोत.
होय, फरहानने एक थ्रोबॅक फोटो सोशल मीडियावर शेअर केला आहे. बालपणीच्या या फोटोत फरहानला ओळखणे कठीण आहे. या फोटोत फरहानसोबत त्याची बहीण जोया अख्तर शिवाय निशांत व कबीर हे चुलत भाऊ असे सगळे आहेत. ‘वाईड अँगल कॅमेरा लेन्स नव्हते त्याकाळातला हा फोटो...,’असे फरहानने हा फोटो शेअर करताना लिहिले आहे.

वर्कफ्रंटबद्दल सांगायचे झाल्यास फरहान सध्या ‘स्काय इज पिंक’ या चित्रपटात बिझी आहे. यात तो प्रियंका चोप्रासोबत दिसणार आहे. जायरा वसीम हिचीही यात महत्त्वपूर्ण भूमिका आहे. सोनाली बोस दिग्दर्शित हा चित्रपट यंदा ११ ऑक्टोबरला प्रदर्शित होणार आहे.

याशिवाय ‘तुफान’ या चित्रपटाची तयारी त्याने चालवली आहे. ‘भाग मिल्खा भाग’च्या तुफान यशानंतर फरहान अख्तर आणि दिग्दर्शक राकेश ओमप्रकाश मेहरा पुन्हा एकदा एकत्र येणार आहेत. फरहान या चित्रपटातील त्याच्या भूमिकेसाठी जोरदार तयारी करत आहे. या तयारीचे काही फोटो फरहानने सोशल मीडियावर पोस्ट केले आहेत. या चित्रपटात फरहान एका बॉक्सरची भूमिका साकारताना दिसणार आहे. लेखक अंजुमन राजबली यांनी ही बॉक्सरची प्रेमकथा लिहिली आहे.

फरहान अख्तरच्या पर्सनल लाईफबद्दल सांगायचे झाल्यास, सध्या तो अभिनेत्री शिबानी दांडेकरला डेट करतोय. गतवर्षी या कपलने आपले रिलेशनशिप ऑफिशिअल केले होते.